The Definitive Guide to Living in the Capital , Cairo , Egypt

على الرغم من كل المشاكل اللي بتسببها الحوادث الضخمة، إلا أنها ممكن تخلق نجم كبير في مجال الغناء والموسيقى. هي دي المفارقة الأساسية اللي بيحكي عنها فيلم Vox Lux.

الفيلم بيدور عن حادث إطلاق نار في أحد المدارس. بيتسبب في سقوط عدد من الضحايا، اللي بيتم تكريمهم في حفلة كبيرة. ومن خلال الغناء في الحفلة بيسطع نجم سيليست “ناتلي بورتمان”. وتبدأ مشوار فني، بيتقاطع مع عدد كبير من الأحداث الإنسانية والاجتماعية.

مع الأداء القوي لـ “ناتلي بورتمان”، بنشوف كمان أداء مميز من “جود لو”. ده طبعًا بتوجيه مخرج ومؤلف الفيلم “برادي كوربيت”، علشان يقدم فيلم مميز على صعيد الأداء الدرامي والموسيقي. اللي تاريخه مش كبير أوي في مجال الإخراج السينمائي.

جميل إن الفيلم قدر يربط بين ظاهرة إطلاق النار في المدارس والجامعات، المنتشرة بقوة في الغرب مؤخرًا، وبين صعود مطربة حتى قمة عالم الغناء. والمشاكل اللي بتلازم النجاح والشهرة. كل ده وسط إبهار بصري مميز جدًا.

لكن على الرغم من الإنطباعات الجيدة اللي خرجنا بيها عن الفيلم. لقينا بعض المشاهدين متضايقين جدًا منه. Vox Lux من الأفلام اللي بيشوفها المشاهد إما رائعة أو فاشلة جًدا. مفيش حلول وسط.