Zombieland: Double Tap
فيلم Zombieland: Double Tap: فيلم تقليدي بممثلين مش تقليديين
Zombieland: Double Tap إيما ستون جيسي أيزنبرج روبن فلايشر وودي هاريلسون-
أبيجيل بريسلينإيما ستون...
-
رعبكوميدي
-
روبن فلايشر
-
في1 Cinema
Mohamed Hamdy
لو انت مخرج متميز، وقدامك قصة فيلم مكررة، وعاوز تعمل منها فيلم قوي، يا ترى الحل إيه؟ الإجابة هي إنك تستعين بطقم ممثلين مختلف، وهو ده اللي عمله “روبن فلايشر” في فيلم Zombieland: Double Tap.
الفيلم بيحكي عن مجموعة من الأشخاص المختلفين تمامًا في طباعهم وشخصياتهم، لكن الظروف هتدخلهم في مواجهة مع مجموعة من الزومبي اللي غزو أمريكا، وبالتالي هيحاولوا يتأقلموا مع بعض، لإن هي دي الطريقة الوحيدة اللي هتخليهم يعيشوا.
قصة الفيلم مفيش فيها أي جديد لإن الفيلم بينتمي لفئة أفلام الزومبي المشهورة، واللي مش بنشوف فيها غير مجموعة أشخاص بتحاول تفضل عايشة وسط مجموعة من الزومبي اللي بتحاول تموتهم، لكن لحد هنا نقدر نقول إن كاست التمثيل كان مختلف وعمل فرق، وخاصةً مع مشاركة ممثلين زي “إيما ستون” و”وودي هاريلسون” و”جيسي أيزنبرج” وغيرهم.
من أكتر الحاجات الجميلة في الفيلم إن كل واحد من فريق العمل كان له شخصيته الخاصة اللي قدر يقدمها بنجاح من خلال شخصيته في الفيلم، وفي كتير من المشاهد هتحسوا إن طبيعة الشخصيات دي نفسها في الحقيقة بتفرض عليهم نمط أداء معين، ويحسب للمخرج “روبن فلايشر” إنه ساب المساحة والفرصة للممثلين علشان يقدموا شخصياتهم في الفيلم مع تاتش من شخصياتهم الحقيقية.
بالنسبة لإخراج مشاهد الأكشن في الفيلم فكانت مميزة، لكن للأسف بعض مشاهد الزومبي والمكياج والخدع البصرية كان ممكن تبقى أفضل وواقعية أكتر، لكن بشكل عام وبالمقارنة مع أفلام الزومبي المختلفة الفيلم كان مستواه جيد.