الأفلام اللي عاوزه تناقش قضايا كبيرة قدامها طريقة من اتنين. إما تقدم أفكارها بشكل رمزي، والمشاهد يفهم من نفسه. أو تقدم الفكرة بشكل مباشر. فيلم “قهوة بورصة مصر” بيحاول يتبع الأسلوب الرمزي، لكن في بعض المشاهد كُنا بنحس أن صناع الفيلم عاوزين يطلعوا لنا ويقولوا لنا إحنا نقصد كذا كذا.
الفيلم بيحكي عن قهوة من قهاوي منطقة وسط البلد، كان بيتجمع عليها المضاربين في بورصة القطن في القاهرة زمان. النهارده أصبحت بتجمع المثقفين والفنانين والأدباء. والفيلم بيرصد قصص رواد القهوة المختلفين.
الفيلم تأليف وبطولة “علاء مرسي”. وواضح إنه يُعتبر من أهم المشاريع الفنية اللي دخلها. الحقيقة علاء مرسي بيقدم في الفيلم دور استثنائي وجديد، مقارنة بباقي الأعمال اللي قدمها قبل كده.
بيشارك في البطولة مجموعة من الفنانين الكبار زي لطفي لبيب، وحسن حسني اللي ظهر عليه أعراض التقدم في السن بشكل كبير. وأثر شوية على قدراته التمثيلية.
من الفنانين اللي قدموا أداء جيد جدًا، الفنان الشاب “أحمد صبري غباشي”. اللي شارك قبل كده بأدوار صغيرة، في أعمال زي مسلسل (اختفاء) بطولة نيللي كريم. لكن واضح أنه بيشق طريقه بقوة وبصبر.
ماعجبناش في السيناريو إنه مش بيدي فرصة للمشاهد يفكر بنفسه ويفك رموز الفيلم. وكان نفسنا الفيلم يدينا فرصة نفكر بنفسنا، بدل ما يقدم لنا الشخصيات بالوضوح ده.
كمان ماعجبناش في الفيلم إنه عاوز يناقش كل القضايا المهمة مرة واحده. وكان نفسنا يركز على قضية أو اتنين فقط
“قهوة بورصة مصر” هيعجب الناس اللي بتحب مناقشة قضايا كبيرة في الأفلام. وفيها شخصيات كتير ومتشابكة.
أكتب تقييم
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
