The Definitive Guide to Living in the Capital , Cairo , Egypt

إيه ممكن يكون أقوى من رابطة الأخوة؟ أخوك هو الإنسان اللي هيقف جنبك ويساعدك وينقذك من أي مشكلة تقع فيها، بدون ما يحاكمك أو يصدر عليك الأحكام.. لكن هل تقدر ترد لأخوك الجميل لو هو وقع في مشكلة؟

فيلم Arsenal من إخراج  ستيفن سي ميلر، ومن تأليف جايسون موزبرج، ومن بطولة جوناثان سكاتش وأدريان جرينير.

الفيلم بيحكي عن جيه بي اللي بيشتغل مدير ناجح لأحد شركات المقاولات، لكنه بيضطر يترك حياته الهادئة والأمنة علشان ينقذ شقيقه ميكي اللي بيقوم بدوره جوناثان سكاتش.. جوناثان بيتعرض للإختطاف من مجرم لا يعرف الرحمة، بيقوم بدوره المخضرم نيكولاس كيدج.

على الرغم من قوة القصة، إلا أن سيناريو الفيلم أصابنا بالملل والتشويش، نتيجة التطويل في محاولة وصول جيه بي لشقيقه، وعدم وجود الإثارة الكاملة اللي كنا نتوقعها في الأحداث. لكننا نلقي الفشل ده على عاتق السيناريو اللي كان يستحق يكون أسرع وأكثر إثارة وأكثر بعدًا عن الملل.

مستوى الموسيقى التصويرية والديكورات كان ضعيف جدًا، كمان الإضاءة وحركة الكاميرا كانت غير موفقة وغير مقنعة، وللأسف تركت عندنا شعور أن الفيلم كله تم تنفيذه بمزيج من الإهمال والاستسهال والرغبة في الدفع بالفيلم للسوق السينمائي بسرعة واستهتار.

فيلم Arsenal من نوعية الأفلام اللي مش بنلاقي كلام كتير ممكن نقوله عنه، يمكن لأن كل شيء واضح في الفيلم، والمستوى الفني للفيلم إجمالًا كان ضعيف وكان محتاج يكون أفضل من كده.

فيلم Arsenal فيلم مناسب للمشاهدين اللي عاوزين يضيعوا حوالي ساعتين من وقتهم في مشاهدة عمل سينمائي متوسط لم يقدم لنا الإشباع المناسب لا على صعيد التمثيل أو القصة أو السيناريو أو حتى علي مستوي الصورة.

علشان تبقي عارف:

حقق الفيلم في مصر إيرادات حوالي 45 ألف جنيه بس حتى الآن.