The Definitive Guide to Living in the Capital , Cairo , Egypt

قبل ما نتكلم عن الفيلم، حابين نتكلم شوية عن Trailer الفيلم، أو عن Trailer الأفلام بشكل عام، مع تطور أسلوب الإعلان عن الأفلام أصبح واحد من أهم وأقوى وسائل الدعاية لأي فيلم، لدرجة أن فيه شركات متخصصة فى هوليوود لإنتاج تريلر الأفلام فقط، أما عن الكلام عن BeginAgain نقدر نقول أن المسئولين عن عمل التريلر أفسدوه بالكامل، وأعطونا شعور ببرودة الفيلم وعدم جودته أو صلاحيته للمشاهدة، وكانت توقعاتنا منخفضة للغاية، لكن لما شاهدنا الفيلم بالكامل، كان رأينا النهائى مختلف للغاية.

من إخراج جون كارني وبطولة مارك روفالو وكيرا نايلي وجيمس كوردن بـ نشوف فيلم درامي اجتماعي مع لمسة غنائية فنية عن ثنائى شبابى بـ يجمع بين الموهبة فى الغناء وكتابة الكلمات، بـ تشتعل الأحداث مع حدوث الخيانة واضطرار البطلة لبدء حياتها من جديد، واستغلال موهبتها للحد الأقصى للوصول للنجاح فى الحياة، والنجاح فى حياتها الخاصة على حد سواء.

الموسيقى التصويرية والغنائية فى الفيلم كانت متميزة جدًا، ونقدر نقول أنها كانت واحدة من أهم عوامل نجاح الفيلم، وأنها لعبت دور البطولة زي أى واحد من الأبطال بالضبط، وده مفهوم وكان لازم يحصل بما أننا بـ نتكلم عن فيلم بـ يحكي عن موهبتين فى عالم الغناء والتأليف.

كيرا نايتلي من الواضح أنها بدأت تبعد عن أفلام الأكشن، على الرغم من دورها القوي فى فيلم “دومينو” اللى تم إنتاجه سنة 2005 عن قصة واقعية، واستلزم الدور منها تقصير شعرها للحد الأقصى والتصرف بخشونة، واضح أنها قررت تغير مسيرتها الفنية لصالح أعمال أقل خشونة وأكثر أنوثة وطبيعية، ودي خطوة كويسة منها وإن كنا بـ نحب نشوفها من وقت لآخر فى نوعيات مختلفة من الأدوار.

جيمس كوردن وأداؤه التمثيلى ماكانشبالقوة اللى كنا متصورينها عنه، أو قد يكون سقف طموحاتنا بخصوصه كان أعلى من المستوى اللى هو قادر على تقديمه فى الفيلم.

باختصار.. Begin Again فيلم عن الموهبة والحلم وحب الحياة، مطعم بنكهة غنائية فنية جميلة، يستحق المشاهدة ببال رائق فى أجازة نهاية الأسبوع.