The Definitive Guide to Living in the Capital , Cairo , Egypt

على الرغم من إننا نقدر نحصر أفلام الرعب في بعض التيمات الثابتة والمتكررة، وعلى الرغم إن مافيش أي محاولة لابتكار تيمات أو أفكار جديدة، لكن فيلم Killing Ground يعتبر تنويع وإعادة إنتاج لتيمة الرعب من المناطق المهجورة والواسعة، ونقدر نقول أن الفيلم نجح في تنفيذ المطلوب منه، وهو إنه يكون مصدر رعب وأمتاع للمشاهدين في نفس الوقت.

قصة الفيلم

الفيلم بيحكي عن زوج وزوجة بيقرروا يقضوا وقت لطيف على جزيرة منعزلة، كنوع من تغيير الجو والاستمتاع بوقتهم وحياتهم. لكن خطتهم بتنقلب رأسًا على عقب لما بتبدأ سلسلة من الأحداث الغامضة والغريبة تطاردهم بشكل مرعب ومتسارع، وبشكل بيخلي المشاهدين منتظرين المشهد القادم بفارغ الصبر.

فريق العمل

الفيلم من تأليف وإخراج دميان باور ومن بطولة ميتزي رولمان وستيفن هنتر وآرون جلينان مع تيارني كوبلاند.

القصة والسيناريو والحوار

سيناريو الفيلم قدر يستغل القصة علشان يقدم حبكة قوية وسيناريو بياخد المشاهدين من مشهد لمشهد باستمرار بدون ما يترك للمشاهدين الفرصة لالتقاط الأنفاس. لكن لازم ناخد على الفيلم حالة الهدوء النسبي اللي سيطرت على الفيلم في نصفه الأول، واللي حسينا من خلال أحداثه أن السيناريو بيحاول يضيع الوقت لحين بداية النصف الثاني من الأحداث تقريبًا علشان تبدأ مرحلة الإثارة.

حوار الفيلم على الرغم من قلته كان قوي ومتماسك ومترابط. وكان واضح أن القصة القوية لها تأثيرها على السيناريو والحوار.

الإخراج والموسيقى والديكور

مخرج الفيلم كان عارف كويس إن الفيلم مش متميز على صعيد القصة، علشان كده كان لازم يتميز في باقي التفاصيل علشان يقدر يقدم فيلم ناجح، ومن هنا كان الاهتمام بالتكنيك الإخراجي ومحاولة تقديم كل جديد، مع التركيز على الديكورات المعتمدة على الحياة البحرية والمفتوحة بما إن الفيلم تم تصويره على جزيرة. لكن عنصر الموسيقى كان أضعف من توقعاتنا، وحسينا أن الموسيقى التصويرية كانت محتاجة تكون أقوى وأفضل.

الخلاصة

فيلم Killing Ground مثال حي على كيفية تدخل السيناريو والحوار والإخراج لتقديم فيلم جديد ومميز رغم القصة المكررة والتقليدية.

علشان تبقى عارف:

الفيلم إسترالي الجنسية. لكن تم طرحه في الإمارات ومصر في أوقات متزامنة تقريبًا.