الدليل الشامل لمعرض الكتاب دلوقتي على موبايلك
Mohammed Sabry
لو لسه ماروحتش معرض الكتاب، ومش عارف أماكن دور النشر والكتب، دلوقتي خلاص برنامج المعرض بقى متاح على أندرويد وآيفون. وتقدر تتابع كل أخبار الموقع والأحداث الفنية اللي فيه والبرنامج اليومي بتاعهم من خلال صفحتهم الرسمية على الفيسبوك هنا.
الأبليكيشن ده هيوفر عليك التدوير في أكثر من مكان بدون داعي، وهيعرفك أماكن دور النشر من خلال الخريطة اللي تقدر تدور فيها براحتك، ده غير أنك ممكن تكتب اسم الكتاب وهو هيقولك هتلاقيه فين، فيه أجمل من كده؟!
المعرض السنة دي في دورته الـ 49، واللي مستمرة لحد 10 فبراير 2018، عمل تطبيق فيه دليل شامل لكل حاجة بيحتاجها الزائر اللي بيروح المعرض. والدليل ده بيشمل:
– خريطة شاملة للمعرض، فيها كافة أماكن دور النشر، وأماكن العرض، وقاعات الفعاليات.
– جدول الأنشطة، وده فيه كل فعاليات البرنامج الثقافي متصنفة. وكمان مترتبة حسب التاريخ.
– دليل الكتب، وده بيضم كل قوائم الكتب اللي قامت دور النشر بإرسالها مُحَدَثة.
تقدروا تحملوا التطبيق لأندرويد من هنا.
وتحملوه لآيفون من هنا.
مقترح
فن وثقافة
في الويك إند.. دليلك للسفر في رحلة بصرية مبهرة مع توت عنخ آمون
الجيزة المتحف المصري الكبير +5
معالم وسياحة
