Omar Abd-elmaqsoud
مين فينا دلوقتي مش بيركب مواصلات مرة على الأقل في الاسبوع؟ طيب مين فينا مش بيعتمد في تنقلاته بشكل أو بآخر على وسائل المواصلات المعتمدة على تقنية الملاحة أو GPS.
تقريبًا مفيش حد فينا مافيش على موبايله أبلكيشن أو أكتر لخدمات المواصلات المختلفة، سواء عربية أو باص أو ميكروباص أو حتى سكوتر، لكن مفيش حد خطر على باله إن ممكن في يوم من الأيام “التوك توك” يكون من ضمن وسائل المواصلات دي! تخيل؟!
شركة “كريم” عملتها
“كريم” عملتها و أعلنت عن إطلاق خدمة طلب “التوك توك” في الأبلكيشن الخاص بيها فى مناطق معينة من القاهرة والجيزة، بس هتكون بشكل تجريبى، وده طبعًا بيتوافق مع الخطة اللي حطتها الشركة من أول ما نزلت السوق المصري، واللي كانت بتهدف للتوسع فى جميع خدمات النقل في مصر.
مصدر من مصادر الشركة قال لـ “اليوم السابع” إن الشركة فى انتظار اللائحة التنفيذية لقانون تنظيم النقل التشاركى، وكمان تقنين وضع “التوك توك”، علشان تقدر تطلق الخدمة بشكل موسع فى السوق المصرى.
شركة “كريم” برده كان ليها السبق في إنها كانت أول شركة تدخل “الاسكوتر” أو “الموتسيكل” في خدماتها للمواصلات، وده كان من ضمن برنامج استثمارات أعلنت عنه الشركة قبل كده، وكانت قيمته حوالي من 100 لـ 120 مليون دولار فى السوق المصرى.
لو عايز تعرف أكتر عن جميع تطبيقات المواصلات وخدماتها في مصر. دوس هنا.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
