The Definitive Guide to Living in the Capital , Cairo , Egypt

مين فينا مابيحبش القهوة؟ اسمها لوحده يحسسك بفرحة كده مش مفهومة. بق صغير من أي فنجان يغير مودك للأحسن. مش للأحسن بس، للروقان والانسجام والمزاج الصافي. ويا سلام لو في خروجة كده، روحت لمكان أو كافيه من كافيهات القاهرة اللي بتعمل القهوة بمزاج، هتحس إنك مش عايز حاجة تانية من الدنيا. روحت كده مع نفسك لعالم تاني، مش محتاج حد فيه معاك.

وغير الفرحة والسعادة اللي بتسببها القهوة، ليها فوائد صحية كتيرة كنا وضحناها لكم في المقال ده. ضيف عليهم بقى إن القهوة بتطول العمر. تخيل؟ يعني مش بس هتنبسط وتفرفش، ده أنت كمان هتعيش أكتر. وده اللي توصلت له دراسة بريطانية جديدة.

الدراسة تم إجرائها على حوالي نص مليون بريطاني. وانتهت إلى إن اللي بيشربوا القهوة أقل عرضة للموت بشكل بسيط، من الممتنعين عنها تمامًا. وبكده تعتبر أول دراسة تشير لفوائد القهوة، حتى للأشخاص اللي بيعانوا من خلل وراثي، بيأثر على معالجة أجسامهم للكافيين.

مستنيين إيه؟ عملتوا فنجان القهوة بتاعكم ولا لسه؟