المتحف الجيولوجي المصري.. ويك إند مختلف مع الديناصورات والأحجار الكريمة في قلب المعادي!
أحجار كريمة المتحف الجيولوجي المصري خروجات المعادي خروجات غير تقليدية خروجة ويك إند ديناصورات مصر ذهب خام كايرو 360 كورنيش المعادي متاحف القاهرة
Cairo 360
الصور: صفحة المتحف على فيسبوك
لو بتفكر في خروجة مش تقليدية للويك إند، بعيد عن الزحمة والمولات، فإحنا جبنالك مكان هتحس فيه إنك رجعت ملايين السنين لورا.. المتحف الجيولوجي المصري في المعادي!
في قلب القاهرة، وعلى كورنيش المعادي مباشرة، هتدخل عالم تاني، هتقابل “ديناصور الفيوم”.. جمجمة ضخمة حقيقية من كائن عاش من 40 مليون سنة! وهتشوف بعينك 15% من هيكل ديناصور حقيقي تم اكتشافه في مصر.
كمان هتلاقي دولاب كامل من الأحجار الكريمة زي الياقوت والزمرد والماس، وهتعرف لأول مرة إزاي بيقيموا جمال كل حجر!
وهتشوف صخور فيها ذهب خام، قبل ما يتحول لمجوهرات لامعة!
الخروجة دي مش بس ممتعة.. دي كمان تعليمية ومليانة تفاصيل مدهشة هتخلي الويك إند ده مش زي أي خروجة تانية.
العنوان: أول كورنيش المعادي، بعد البنزينة على الشمال، وانت جاي من الملك الصالح.
المواعيد: يوميًا من 9 صباحًا لـ3 عصرًا (ماعدا الجمعة، السبت، والإجازات الرسمية).
سعر التذكرة: 25 جنيه بس.
مقترح
معالم وسياحة
افتتاح المتحف المصري الكبير 1 نوفمبر 2025.. كنوز توت عنخ آمون ومركب خوفو في انتظارك!
السياحة الثقافية في مصر المتحف الجديد في الجيزة +8
فن وثقافة
