The Definitive Guide to Living in the Capital , Cairo , Egypt

الحياة في كايرو

بالم هيلز كلوب هاوس: قمة الرفاهية فى مدينة السادس من أكتوبر

بالم هيلز كلوب هاوس: قمة الرفاهية فى مدينة السادس من أكتوبر
بواسطة
Ahmed El Dahan

صحيح طريق بالم هيلز طويل وكله تعرجات، لكن أكيد اللى منتظرك على القمة يستاهل الرحلة؛ المجمع المُنشأ على أعلى التل بـ يقدم تقريبًا كل حاجة للناس اللى بـ تدور على الذوق والرقى المعاصر. على مساحة مليون متر مربع، الأرض الواسعة مقسمة لجزئين، جزء مصمم بامتياز كمنطقة ترفيهية، والثانى مجمع رياضى متكامل.

الهدف من التقسيم هو تمكين الزوار والرياضيين من حضور مواعيد وأنشطة رياضية مختلفة فى المركز الرياضى الفخم، بدون إزعاج الأعضاء المنتظمين فى الجزء الاجتماعى. الناس قليلة النشاط تقدر تسترخى وتستمع بالتدخين.

مدخل الجانب الاجتماعى من البلاط الأبيض، يحيط به نافورات ومنطقة ألعاب للأطفال مع بركة للتجديف. وعلشان الجانب ده من المكان تركيزه الأساسى على إمتاع البالغين، الأطفال تحت سن 18 سنة لازم يكون معاهم مرافق. بالنسبة للآباء اللى نفسهم يستمتعوا بالسهرة لوحدهم، سلسلة الحضانات العالمية كيدفيل Kidville موجودة علشان تمتع أطفالكم بالفنون والحرف المفيدة.

الشئ المميز لحظة دخولنا بوابة المجمع هو التناقض اللطيف بينه وبين صحراء مدينة 6 أكتوبر. إضاءة شمسية ومكيف هواء، مصابيح وتماثيل على شكل بوذا كلهم منظمين بحيث يساهموا فى إضفاء جو شرقى ومعاصر فى نفس الوقت على الديكورات. المكان يجمع بين أركانه مطعمين؛ بار سوشى رخامي أنيق على الشمال ومطعم عالمى على اليمين. بعد الاستمتاع بوجبة راقية، الزوار يقدروا يروحوا على غرفة البريدج فى الدور السفلى ويمتعوا نفسهم بجولة من البلياردو أو الكوتشينة، يحيطهم ظلال حوائط من خشب البامبو.

بعيدًا عن القاعة الرئيسية، “بالم هيلز” مصمم لكل المناسبات، من الحفلات الرسمية لأعياد الميلاد. فيه كمان غرفة مخصصة للشباب الصغير –كارلوس رووم– يقدروا يأكلوا فيها أكلة خفيفة ويستمتعوا بمجموعة من الأنشطة من ألعاب الفيديو لغاية رمى السهام. بالنسبة للسهرة، السينما الفخمة المكونة من 30 كرسى كبار فى انتظارك، وبـ تسمح للمجموعات الكبيرة يستمتعوا بفيلم من اختيارهم. بالنسبة للناس اللى عاوزة تتكلم فى الشغل، غرف الاجتماعات المجهزة بتكنولوجيا بسيطة تسع حوالى 30 فرد.

بعيدًا عن البدل والكرافتات، غرف السيجار وغرف خاصة للسيدات تم تصميمهم بحيث يناسبوا الرجال والسيدات، ومناسبين للاجتماعات، المعارض، أو لأى واحد نفسه فى جو هادئ للقراءة أو الاندماج مع الآخرين. بالنسبة للرجال، غرفة السيجار مجهزة بأثاث رجولى غامق وترابيزات خشب سوداء. على العكس تمامًا، الغرف الخاصة بالسيدات مرحة، واسعة، مشمسة وملونة بألوان مبهجة مع لوحات للفنانة سعاد حسنى على طراز الرسام الأمريكي أندى وارهول.

فى الخارج بـ نشوف ملعب كروكيه بجانب حمام سباحة كبير ومطعم أكوا المجاور لحمام السباحة، وهو مطعم بـ يقدم أكلات سريعة زى الكلوب ساندويتش، البيتزا وما شابه. على حدود حمام السباحة متوفر عدد ثمانية من Kabanas –أكواخ مدهشة– للاستخدام اليومى، يقدر فيها السباحين يستريحوا من الشمس. مطعم تنورة الشرقى الشهير بـ يقدم أجمد الأكلات المصرية والشيشة على حمام السباحة، ويعتبر مكان مناسب لسهرة مميزة فى مكان مكشوف.
نفق مجاور يؤدى لعدد كبير من المنشآت الرياضية المتنوعة، مناسبة لكل احتياجات الأفراد الرياضية. المنشآت دى تشمل حمام سباحة أوليمبي، ثمانية ملاعب تنس أرضى، أربعة ملاعب كرة سلة وملعب كرة قدم للمحترفين. جيمانيزوم على أحدث طراز – يديره الرياضى البارز محمود عيد– مواجه لحمام السباحة ويسمح للرواد منظر مريح وسط الجرى والنشاط.

المجمع يستضيف عدد من الأكاديميات الرياضية المرموقة منها أكاديمية بالم، العروسى للتنس، المسماه على اسم بطل التنس حسن العروسي. مدرسة إسكولا للكرة، تحت إشراف نادى برشلونة، الأولى فى الشرق الأوسط والثالث على مستوى العالم. أكاديمية بالمز للسباحة بـ تعلم أكثر من 700 طالب أساسيات السباحة، كرة الماء والباليه، وقدرت تثبت نجاحها الشديد، لدرجة أن مدرسة تعليم السباحة بـ تمثل مصر فى المسابقات العالمية وعدد من تلاميذها كانوا ممثلين فى مسابقة سان ديزييه الفرنسية. بالإضافة لكل ما سبق، يوجد ملعب مجهز لتعليم الإسكواش. الجانب ده من بالم هيلز كلوب هاوس لسه بـ يشهد توسعات، وقريب هـ يقدموا فن دوجو dojo للدفاع عن النفس، منتجع صحي متكامل ومنطقة تجارية.

عضوية بالم هيلز كلوب هاوس مكلفة، خصوصًا لغير الملاك فى منطقتهم الراقية، على العموم، بعد زيارتنا المكان والمنشآت المبهرة، العضوية مشوقة جدًا وأكيد تساوى قيمتها. لمعلومات أكثر عن بالم هيلز كلوب هاوس، اتصل على 02-38860103 / 02-38860104 أو ادخل على الموقع الرسمى.

مقترح