The Definitive Guide to Living in the Capital , Cairo , Egypt

التكنولوجيا بقت جزء أساسي من حياتنا اليومية. بنعتمد عليها في أكل، شرب، لبس، سفر، شغل، وغيرهم. فمش غريب لما نلاقي إن الموضوع اتطور ووصل للجواز. وبقى فيه تطبيق بيساعد المقبلين على الجواز في كل حاجة محتاجينها، واسمه Haplist.

تقدر من خلال التطبيق ده تختار خدمات حجز “(فلل ومراكب – صالات ونوادي – فساتين وبدل زفاف – أماكن مفتوحة – بيوتي سنتر – شركات تنظيم أفراح – خدمات ديكور وأنوار – تصوير – تأجير سيارات – معارض أثاث – كروت زفاف – منسقي زهور – متخصصين عناية بالبشرة – زفة وD.J – قاعات فنادق – كوافير رجالي – إكسسوارات – وخدمات بوفيه).

التطبيق حاليًا متاح لأندرويد بس. بتقدر من خلاله توصل لمقدمي 18 خدمة مختلفة. وفي خصومات تبدأ من 5% لـ 15%. طبعًا بتوفر وقت ومجهود عملية الحجز. لأن بتحدد على التطبيق فترة معينة، وبيظهر لك كل الأماكن المتاحة في التوقيت ده بالمنطقة. ولما تختار مكان وتدخل عليه، بيحدد لك اسمه والعنوان ورقم التليفون. ولو فيه وصف للخدمة مع صور خاصة.

بننصحك تعرف الخدمة وتروح تتفرج. ده مهم علشان تشوف على الطبيعة بنفسك. وبعد ما تقرر تقدر تدخل على التطبيق وتختار الخدمة اللي محتاجها، بالتوقيت اللي عاوزه. وتحجز مباشرة علشان تستفيد من الخصم المباشر على السعر.

اعرفوا أكتر عن التطبيق من صفحة فيسبوك من هنا. وتقدروا تحملوه من هنا.