The Definitive Guide to Living in the Capital , Cairo , Egypt

نجاح كبير قدرت تحققه أورنچ مصر مؤخرًا، النجاح ده تمثل في عمل بث مباشر لحفلة نانسي عجرم في قبرص، واللي وصل عدد المشاهدين لها لـ 200 ألف مشاهد عبر صفحة الفيس بوك الرسمية لأورنچ مصر.

ده غير وصول هاشتاج #حفلتك_في_بيتك للتريند على وسائل التواصل الاجتماعي.

لكن هل ده كل شيء؟ بالأكيد لأ.. أورنچ مصر لسه عندها كتير، والجديد هو خطوة رائدة في مجال الفن والترفيه وهي تعاونها مع السوبر ستار وائل جسار من خلال البث المباشر والحصري لحفلته يوم 26 أغسطس الجاري في قبرص.

وده هيخلي كل محبي وائل في مصر والوطن العربي واللي بيوصل عددهم لـ 24 مليون، يقدروا يسمعوا أحدث أغانيه ويخوضوا تجربة وإحساس حضور حفلة وهم في بيتهم.

ومن خلال التعاون ده بتهدف أورنچ مصر لتوفير أحدث ما وصلت إليه خدمات الترفيه لعملائها في مصر والوطن العربي من خلال تقنية أورنچ الحصرية.

وفي نفس الوقت اللي بتعلن فيه شركة الاتصالات الأهم في مصر “أورنچ” عن النشاطات الفنية المهمة دي بتستخدم كمان آخر ما وصلت إليه تكنولوجيا الاتصالات في العالم (الروبوت الآلي) عبر الماسنجر الخاص بالفيس بوك واللي هيكون بمثابة مندوب خدمة عملاء قادر على إرسال الردود المبرمجة والتحدث والتفاعل مع العملاء بكل بسهولة ويسر .

كمان هيقدر عملاء أورنچ في المستقبل القريب يستخدموا التكنولوجيا دي لطلب المنتجات أو استرجاعها وإعادتها عن طريق التحدث مع الروبوت الآلي.

وبدل الضغط للوصول إلى تطبيق ما بهدف شراء منتجات من الشركة، هيتمكن المستخدم من الكلام أو الكتابة والدردشة مع الذكاء الاصطناعي ده.

ومش هيقتصر عمل الروبوتات على محادثات خدمة العملاء وبس، لكن كمان هتقدر الشركة تعرفهم على توافر منتجات معينة أو إرسال الأخبار العاجلة للعملاء.

وتعتبر التكنولوجيا الجديدة وسيلة أكثر سرعة وسهولة ومرونة للتواصل بين الشركة وعملائها، ده غير كمان إنها بتوفر وقت وجهد المستخدم من خلال تقديم معلومات في كافة المجالات بشكل سريع ومختصر.

وبيقول محمد ياسين، المدير التنفيذي لشركة Arabica Music: “إن التجربة دي بتّعد واحدة من التجارب المتميزة اللي بتجمع حصريًا بين الفنانين المشاهير وأورنچ، مشغل الاتصالات المفضل لدينا في مصر والمنطقة، واللي وفرت لنا مشاركة الموسيقى عبر الحدود بفضل شريكنا التكنولوجي شركة Binary Waves اللي قامت ببناء منصة متميزة لدعم نقل الموسيقى بدون انقطاع بصورة عالية الدقة (HD)”.

وبيقول ضياء رجب، المدير التنفيذي لشركة Binary Waves: “مش هنقدم التجربة دي لعملائنا وبس ده إحنا كمان بنسعى لزيادة التفاعل بين الفنانين وجمهورهم من محبي الموسيقى من خلال تقديم أحدث التقنيات التفاعلية على موقع فيسبوك، بحيث يقدر المعجبين يتواصلوا مع نجوهم المفضلين وموسيقاهم على تطبيق الماسنجر الخاص بالفيسبوك. كمان هيقدر كل محبي الفن والموسيقي الاشتراك في الأخبار الحصرية للفنانين وتحميل موسيقاهم والأغاني الحصرية”.

وبالمناسبة دي قال بيير اتيان سيزرون نائب رئيس أورنچ مصر لقطاع المستهلك والتسويق: “بتستمر أورنچ في دورها الريادي لمنصة الترفيه متفوقةً على منافسيها في مصر، وبتقدم الشركة تجربة فريدة من نوعها بتعكس مدى قوة الشراكة الناجحة”.

وأضاف: “إحنا مؤمنين إن الموسيقى واحدة من الوسائل الهامة للتفاعل مع عملائنا الكرام، وقررنا ننضم لـ Arabica Music و Binary Waves  علشان نجمع الموسيقى والتكنولوجيا وقاعدة المعجبين مع بعض لخلق تجربة غير مسبوقة في السوق المصري، بالإضافة إلى سعي أورنچ الدائم لتقديم آفاق جديدة مش بس للفنانين المشهورين لكن كمان للموسيقى الوليدة اللي هتكون جزء من الوسائل الترفيهية بهدف تأسيس منصة ترفيه قوية”.

لزيارة صفحة أورنچ مصر اضغطوا هنا.