دليلك للاحتفال برأس السنة في وكالة السحيمي
Mohammed Sabry
مع قرب نهاية 2016، بتبدأ تجهيزات وتحضيرات حفلات رأس السنة في كل مكان. وطبعا بتتنوع بين حفلات الغناء والموسيقى، اللي بيحييها فنانين كبار. أو أماكن السهر الكتيرة اللي بتجهز برامج خاصة في مناسبة زي دي.
ومن وسط حفلات رأس السنة المعتادة، وكالة السحيمي في شارع المعز محضرة لكم سهرة مختلفة جدًا. هتقضوا فيها ليلة من التراث الأصيل. وتستمتعوا بأجمل الفنون الشعبية. علشان تدخلوا السنة الجديدة بمود مختلف تمامًا.
طبعًا الحفلة هتكون يوم 31 ديسمبر، هتبدأ الساعة 8 مساءً ومستمر لحد الساعة 2 صباحًا. وهيكون فيها:
فرقة الفنون الشعبية. ودي هتشوفوا فيها رقص التنورة بأشكالها الجميلة. وتستمتعوا بالمزمار البلدي مع الدف والطبلة وتتسلطنوا آخر سلطنة.
كمان هيكون في حفلة الموسيقى العربية. واللي هتسمعوا فيها التخت الشرقي ومعاه الأغاني الجميلة اللي هتعيشكم في مود تاني خالص.
ومفاجأة الحفلة بقى هتكون شخصيات بخيت وعديلة اللي هتقابلوهم في الحفلة وتتعرفوا عليهم وتتصوروا معاهم كمان.
مش بس كده، هايبقى في مسابقة إنستجرام علشان يتم اختيار بابا وماما نويل الحفلة. وحاجات تانية كتير تقدروا تتعرفوا عليها من هنا.
وكالة السحيمي من الأماكن اللي ممكن تنبسطوا فيها جدًا، وأسعارهم معقولة ومفيش minimum charge. وتقدروا تحجزوزا المكان لأي مناسبة أو عيد ميلاد.
هابي نيو يير يا قاهريين.
مقترح
فن وثقافة
في الويك إند.. دليلك للسفر في رحلة بصرية مبهرة مع توت عنخ آمون
الجيزة المتحف المصري الكبير +5
معالم وسياحة
