دليلك لويك إند سعيد: أحلى الحفلات والأنشطة اللي هتحصل في القاهرة
أغاني إنشاد المولوية الويك إند حفلات روك صناعة الفخار فرقة أندروميدا فرقة جنان فلكلور متحف الفن الإسلامي محمود هلال مزيكا مشروع روح
Cairo 360
أخيرًا الويك إند! يعني الخروج والانبساط.. وكل أسبوع بنحاول نوفر لكم الأحداث المميزة اللي تخليكم تقضوا ويك إند مليان بحفلات مميزة.
نبدأ بالنهارده يوم الخميس، وفرقة الرانجو السودانية هتقدم حفلة غنائية على مسرح الضمة. وسعر التذكرة: 40 جنيه.
أما فرقة الدور الأول فهتقدم حفلة غنائية في مركز درب 1718. وسعر التذكرة: 75 جنيه.
لكن لو بتحبوا الفلكلور ففيه حفل المولوية المصرية على مسرح قاعة النهر بساقية عبد المنعم الصاوي، وسعر التذكرة 50 جنيه.
برضه فرقة الحضرة هتقدم حفلة إنشاد في الربع. وسعر التذكرة: 60 جنيه.
وننتقل ليوم الجمعة، وحفل لفرقة وصلة سماع على مسرح قاعة الحكمة في ساقية عبد المنعم الصاوي، وسعر التذكرة 40 جنيه.
برضه في الساقية فيه حفل فرقة أندروميدا بس على مسرح النهر، وسعر التذكرة 80 جنيه.
كمان الفنان يزن صرايرة هيقدم حفلة غنائية في مركز درب 1718.
أما في الربع فمشروع روح هيقدم حفلة غنائية مختلفة. وسعر التذكرة: 40 جنيه.
ونختم بيوم السبت، وحفل إنشاد للفنان محمود هلال على مسرح قاعة النهر بساقية عبد المنعم الصاوي، وسعر التذكرة 35 جنيه.
وفي رووم آرت سبيس فيه حفلة بوب/روك مع فرقة جنان. وسعر التذكرة: 75 جنيه.
أما مركز درب 1718 فعامل ورشة اليوم الواحد لصناعة الفخار.
ولعشاق التراث والحاجات القديمة فمتحف الفن الإسلامي بيستضيف معرض فتات التراث. والدعوة عامة.
لو عاوزين تعرفوا أكثر عن الأحداث اللي بننشرها كل يوم. تابعوا أجندتنا.
ويك إند سعيد!
مقترح
معالم وسياحة
أفريكا سفاري بارك.. رحلة عائلية ممتعة وسط الحيوانات
أفريكا سفاري بارك أفريكانو بارك +4
كتب
