The Definitive Guide to Living in the Capital , Cairo , Egypt

لو السهر قبل رمضان كان حلو، في رمضان السهر أحلى وأحلى. يلا نشوف حفلات الويك أند ده:

النهارده الخميس، لنا ميعاد مع الفنان “محمد عدوية” في خيمة الحارة، في سكاي ريزورت – التجمع الخامس. السهرة هتبدأ الساعة 9 مساءً.

على السحور، في خيمة سهراية – فندق تريومف، الفنان “محمود الليثي” هيسمعنا أجمل الأغاني الشعبية. السهرة هتبدأ الساعة 10 مساءً.

علبة ألوان هتستضيف حفلة غنائية لـ “تختستا باند“. الحفلة هتبدأ الساعة 9 مساءً.

يوم الجمعة، خيمة سهراية – فندق تريومف هتستضيف الفنان “وائل جسار“. والسهرة هتبدأ الساعة 10 مساءً.

وفي خيمة الحارة، سكاي ريزورت – التجمع الخامس، فرقة “المدفعجية” هيولعوا الدنيا بأقوى الأغاني. السهرة هتبدأ الساعة 9:30 مساءً.

مزيج من الحضرة التركية والترانيم القبطية، هنستمتع بيه في علبة ألوان مع “مشروع روح“. الحفلة هتبدأ الساعة 9 مساءً.

وفي يوم السبت، فرقة “أسياد الزار” هتقدم حفلة زار وأغاني الفلكلور على مسرح الضمة في عابدين. الحفلة هتبدأ الساعة 9 مساءً.

فريق “دعسوقة” هيلعب مزيكا الأكوستيك فولك مع سوينج جروفي، في رووم آرت سبيس. الحفلة هتبدأ الساعة 10 مساءً.

علبة ألوان هيكون فيها حفلة استاند أب كوميدي، لعدد كبير من الاستاند أب كوميديانز. العرض هيبدأ الساعة 9 مساءً.

كل ده وحفلات تانية أكتر هتلاقوها في أجندة كايرو 360 من هنا.