دليلك لويك إند سعيد: “شارموفرز” و”دعسوقة” و”أم كلثوم” وحفلات أكتر في القاهرة
9 شارع عدلي Vice أم كلثوم استاند اب كوميدي البالون الحضرة الليلة الكبيرة الهناجر انفصام بليغ حمدي دعسوقة سيرة الحب سينما الزاوية شارموفرز عرايس مركز الربع مركز المنارة للمؤتمرات مسرح الساقية مسرح الهناجر مقعد السلطان قيتباي مهرجان القاهرة للكوميديا ويك اند جايد
Cairo 360
وصلنا في أجندة كايرو 360 للويك إند اللي بنستناه من أول الأسبوع .. تعالوا نشوف هنعمل إيه في الويك إند ده:
النهارده الخميس .. عشاق الزمن الجميل موعدهم مع مجموعة من الإيفنتس الجديدة بس بروح زمان.
أولها مع حفلتين لكوكب الشرق “أم كلثوم” بيقدمهم مسرح ساقية الصاوي للعرائس الخميس الأول من كل شهر. الحفلات هتبدأ من الساعة 6.
كمان فرقة مسرح القاهرة للعرائس، هتقدم الأوبريت الأشهر في تاريخ الفن المصري “الليلة الكبيرة” على مسرح الهناجر. الأوبريت مدته 40 دقيقة وهيبدأ من الساعة 5.
على خشبة مسرح البالون هنشوف العرض المسرحي والأوبريت الغنائي “سيرة الحب” واللي بيحكي عن قصة حياة الموسيقار “بليغ حمدي”. العرض هيبدأ 9 بالليل.
يوم الجمعة هيكون يوم جامد جداً مع حفلة لـ “شارموفرز” بمناسبة إصدار ألبومهم الجديد “انفصام” في مركز المنارة الدولي للمؤتمرات الساعة 5.
“دعسوقة” كمان هيقدموا حفلة مجانية بمناسبة اليوم العالمي للمرأة في مقعد السلطان قيتباي. الحفلة هتبدأ الساعة 7.
وبعيدًا عن جو الحفلات، الساعة 1 الضهر، سينما زاوية هتعرض الفيلم الأمريكي “Vice” اللي بيحكي قصة حياة (ديك تشيني) أقوى نائب رئيس أمريكي عرفه التاريخ. سعر التذكرة: 40 جنيه.
يوم السبت هيكون في الخفيف علشان نجهز لبداية الأسبوع الجديد، وعلشان كده “الحضرة” هتكون موجودة في مركز الربع الثقافي الساعة 7 علشان نسمع مجموعة من المدائح الصوفية. سعر التذكرة: 75 جنيه.
وفي أول كوميدي كلوب في مصر هنحضر “مهرجان القاهرة للكوميديا ” في 9 شارع عادلي، واللي هيكون فيه مجموعة كبيرة من مقدمي الاستاند أب كوميدي الشباب. التذكرة بـ: 75 جنيه. المهرجان مستمر لحد يوم 16 مارس.
كل ده ولسه فيه حفلات وايفنتات تانية أكتر هتلاقوها في أجندة كايرو 360 من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
