Cairo 360
كل ويك إند بيكون فرصة إنكم تفصلوا وتستمتعوا بوقت سعيد، تعملوا فيه الحاجة اللي بتحبوها في أجازتكم، وعلشان كده بنجمع لكم في دليل كايرو 360 أهم الأحداث الفنية والثقافية اللي بتحصل في القاهرة في الويك إند.
نبدأ بالنهارده يوم الخميس، وفرقة مزامير النيل هتقدم حفلة موسيقية على مسرح الضمة في عابدين. وسعر التذكرة: 40 جنيه.
كمان فيه حفل “كوكب الشرق” بمشاركة ريهام عبد الحكيم في القاعة الكبيرة في دار الأوبرا المصرية.
برضه في الأوبرا لكن على المسرح الصغير فيه حفل الفنان يحيى خليل، المعروف بموسيقاه المميزة.
أما محبي الإنشاد فهيلاقوا اللي بيحبوه في حفل إنشاد ديني للفنان مصطفى عاطف على مسرح النهر في ساقية عبد المنعم الصاوي، وسعر التذكرة 50 جنيه.
وننتقل ليوم الجمعة، وبعد غياب طويل الهضبة عمرو دياب، هيحيي حفلة في الجامعة الأمريكية. وسعر التذكرة: 500 جنيه.
أما لو عاوزين تخرجوا بره المود بموسيقى مختلفة ففيه حفل إنشاد وجاز مع فرقة إيجيبشن بروجكت في قاعة النهر في ساقية عبد المنعم الصاوي، وسعر التذكرة 80 جنيه.
كمان هتلاقوا حفل الفرقة القومية للموسيقى العربية على مسرح الجمهورية، واللي هتقدم لكم أجمل أغاني التراث وهترجعكم لأيام زمان.
أما علبة ألوان فهتعرض لكم فيلم “The Greatest Showman”. العرض هيكون مرتين يوميًا لمدة 6 أيام. سعر التذكرة: 50 جنيه.
ونختم بيوم السبت، وسينما دكة في دكة أضف، هتعرض فيلم “Coco”. والدخول مجانًا.
ولعشاق أغاني التراث القديمة فيه حفلة باسم “ونس” بمعهد الموسيقى العربية وهيتم عرض كثير من الأغاني القديمة، وسعر التذكرة 35 جنيه.
كمان ييلوا أمبريلا هتستضيف حفلة غنائية لحبيبة أباظة.
أما عشاق الفلكلور فما تفوتوش حفل المولوية المصرية على مسرح النهر في ساقية عبد المنعم الصاوي، وسعر التذكرة 50 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر فتابعوا أجندتنا.
ويك إند سعيد!
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
