رقم 3 هترعبك.. اقتراحات للاستمتاع بنيل القاهرة
الأتوبيس النهري خروجات للاسمتع بالنيل كرة النيل الشفافة نايل تاكسي نيل القاهرة
Mohamed Talaat
رنا شرف
نيل القاهرة له عشاق كتير، خصوصًا من أهلها، لأنه مرتبط معاهم بحاجات حلوة كتير، من مصدر خير ورزق لسكانها، لمكان مميز للخروجات خصوصًا في الصيف، وكمان مصدر إلهام لكتير من مبدعيها، واتعمل عن النيل أغاني زي الأغنية الشهيرة لموسيقار الأجيال محمد عبد الوهاب إمتى الزمان يسمح يا جميل، وأسهر معاك علي شط النيل.
وحتي العرب والأجانب فالنيل له مكانه خاصة عندهم، وفاهمين كويس إن اللي يشرب من مياه النيل لازم يرجع تاني ويزور البلد.
وعلشان إحنا في الصيف والجو حر، قررنا نعرفكم على 3 أفكار مجنونة جدًا للاستمتاع بنيل القاهرة، يلا نشوف!
الأتوبيس النهري.. بهجة زمان
يمكن تبان إنها خروجة تقليدية من زمان، لكنها فعلًا لسة مدهشة. الأتوبيس النهري اتطور وبقي بشكل جديد لكنه محافظ على نفس المتعة والبهجة، الأتوبيس النهري النهارده بقى مكيف ومتطور، وسعر الرحلة فيه الساعة 20 جنيه، ورحلة القناطر الخيرية رايح جاي 40 جنيه، وله كذا محطة، منهم محطة الجامعة ومحطة حديقة الحيوان وشبرا عند أبراج أغاخان.
نايل تاكسي.. فاضي يا أسطى؟
نايل تاكسي تجربة جديدة ومختلفة عن الأتوبيس النهري، من حيث الاسم والشكل، لكنها بتحقق نفس المتعة. نايل تاكسي عبارة عن لنش بيتسع لـ 11 شخص، ومنه نوع تاني بيتسع لـ 5 اشخاص.
نايل تاكسي بيغطي مناطق المعادي والمنيل والزمالك وجاردن سيتي، سعره 75 جنيه للفرد.
اعرفوا أكتر عن نايل تاكسي من هنا.
كرة شفافة على النيل.. تجربة مثيرة
تخيل إنك محطوط جوه كرة شفافة بتجري بيك فوق نيل القاهرة! دي تجربة جديدة مثيرة بدأت مؤخرًا في القاهرة. أسعار الفرد في التجربة دي بتبدأ من 245 جنيه. وتقدروا تعرفوا أكتر عن التجربة دي من هنا.
المكان بيوفر تجارب ممتعة أكتر في النيل زي بدال النيل.
مقترح
معالم وسياحة
90 دقيقة من القاهرة.. أجمل 7 أماكن في الفيوم هيغيروا موودك
أجمل أماكن الفيوم الفيوم +4
تسوق
