The Definitive Guide to Living in the Capital , Cairo , Egypt

لو كنت طالب، خريج، أو حتى في ثانوية عامة وهتلتحق بيها قريب.. من حقك النهارده تكون فخور بجامعة القاهرة اللي أصبحت السنة دي ضمن أفضل 500 جامعة على مستوى العالم بحسب تصنيف شنغهاي الصينى الدولي لسنة 2018.

التصنيف اللي صدر في أغسطس بيتضمن أفضل 1000 جامعة على مستوى العالم. ونجحت جامعة القاهرة إنها تكون الجامعة المصرية الوحيدة اللى تدخل التصنيف المهم ده فى الفئة 401 لحد 500، كمان سبقت  وتفوقت على جامعات كتير لها شهرة عالمية.

وتصنيف شنغهاى واحد من أهم التصنيفات العالمية للجامعات وبيعتمد على معايير موضوعية ممكن قياسها، المعايير دي فيها حجم ونوعية البحوث العلمية المنشورة لأعضاء هيئة التدريس فى الدوريات والموسوعات العلمية الدولية، ده غير جودة هيئة التدريس، ومستوى الأداء الأكاديمى، ومستوى الخريجين.

نتمنى إن جامعة القاهرة تكون متطورة دايمًا وتفضل موجودة فى التصنيفات العالمية المتنوعة، وتخرج منها أبحاث مهمة، ويهتم أعضاء هيئة التدريس فيها بنشر بحوثهم العلمية على المستوى الدولى باللغة الإنجليزية.