The Definitive Guide to Living in the Capital , Cairo , Egypt

الحياة في كايرو -
مقترح

مهرجان النخيل: احتفالية “سلو فوود كايرو” السنوية بالنخيل لعام 2014

مهرجان النخيل: احتفالية “سلو فوود كايرو” السنوية بالنخيل لعام 2014
بواسطة
Cairo 360

في سنة 2012 توجت مصر على عرش زراعة النخيل وإنتاج التمر من منظمة الأمم المتحدة للأغذية والزراعة (FAO). ناس كثير ممكن تعتبر الإنجاز ده مش مهم، ولكنه دليل على أهمية ومكانة التمر في بلدنا والمنطقة العربية كلها، وخصوصًا أنه من أقدم الثمار اللي زرعناها في تاريخنا كله.

ده غير أن الإنجاز بـ يدل على أن المجهودات البطولية اللي بـ تقوم بها منظمات غير هادفة للربح زي “سلو فوود” بـ تؤتي –حرفيًا- بثمارها، عن طريق الحفاظ على المحاصيل المحلية بتقديمها عدة فعاليات مبتكرة لتوعية الأفراد بأهميتها.

من ضمن الفعاليات دي “مهرجان النخيل” واللي مُنتظر إقامته يوم 26 سبتمبر في مدرسة فجنون للفنون بمنطقة سقارة في الهرم، بمحافظة الجيزة، وده بالتعاون مع منظمتي “Ice_Ribh” و”نوايا“، واللي مشهورين بدورهم الريادي في مجالات تنموية مختلفة، خصوصًا في مجالي الزراعة وإعادة التدوير.

مهرجان النخيل هـ يضم عدة فعاليات وأنشطة ترفيهية زي دروس طهي لجميع الأعمار، محاضرات وحفلات موسيقية. ده غير إمكانية تذوق مختلف الأكلات المصنوعة من التمر، واللي بـ يقدمها شيف زوباZooba مصطفى الرفاعي.

لمعلومات أكثر عن مهرجان النخيل، اضغط هنا.  

مقترح