The Definitive Guide to Living in the Capital , Cairo , Egypt

مصدر الصور من هنا.

يمكن حاجة طبيعية إننا نتكلم عن ناطحات السحاب النهارده وده لإننا بنشوفها يوميًا تقريبًا، سواء في طريقنا أو في صور على الانترنت أو لو سافرنا بلد مشهورة بيها بعد ما بقت “ترند” عالمي، ومع الوقت بقينا بنشوف فيها العجب، وبقت حاليًا بتتقاس الناطحات بمئات الأمتار، بعكس زمان اللي كان ناطحة السحاب ما بتعديش عشرات الأمتار.

كلامنا النهارده هيكون عن أول ناطحة سحاب مصرية موجودة في شارع “رشدي” في وسط البلد في القاهرة، وفي السطور اللي جاية هنقولكم على 5 معلومات عن أقدم ناطحة سحاب في مصر:

1- اتبنت أول ناطحة سحاب مصرية سنة 1954 ولسة موجودة لحد النهارده في تقاطع شارع رشدي مع جواد حسني، وكانت تعتبر ناطحة السحاب الوحيدة في الوطن العربي كله وقتها.

2- المصمم المعماري اللي بناها هو “شعيب نعوم” وهو نفسه اللي صمم وأشرف على بناء برج القاهرة.

 

 

3- ناطحة السحاب فيها 22 دور وطولها 76 متر، أو 250 قدم.

4- استخدم المصمم حوائط رقيقة شبيهة للمشربيات علشان يحد من حرارة الشمس المشهور بيها الجو في مصر.

5- استخدم في بناء المبنى أحدث تكنولوجيا في الهندسة وقتها، واتعملت أعمدة وعوارض خشبية وبلاط من الخرسانة المسلحة، واتطعم بقوالب طوب بين الحيطان عن طريق الأسمنت الخشن.