هتسافر قريب؟ اعرف إزاي تطلع جواز سفر مستعجل في 2026 والأوراق والرسوم المطلوبة
أوراق السفر استخراج جواز سفر السفر السفر من مصر جواز السفر جواز السفر المصري جواز سفر مستعجل خدمات إلكترونية خدمات حكومية وزارة الداخلية
Cairo 360
لو بتجهز لسفر قريب ومحتاج تطلع جواز سفر مستعجل، دلوقتي تقدر تخلص الإجراءات كلها من بيتك من غير ما تلف على مكاتب أو تقف بالساعات في طوابير! وزارة الداخلية بقت بتوفر خدمة استخراج جواز سفر إلكتروني أو مستعجل بسهولة عبر الموقع الرسمي، وكمان تقدر تختار بين الخدمة الفورية أو العادية حسب وقتك واحتياجك.
وأكيد بتسأل نفسك:
إزاي أطلع جواز سفر أونلاين في مصر؟
إيه الأوراق المطلوبة لاستخراج جواز سفر لأول مرة؟
بكام استخراج جواز السفر المستعجل في 2026؟
جواز السفر المستعجل بياخد كام يوم؟
إيه الفرق بين جواز السفر العادي والمستعجل والفوري؟
فين أقدر أستلم جواز السفر بعد التقديم؟
في السطور الجاية هنشرح لك كل حاجة خطوة بخطوة: من الأوراق المطلوبة، لحد الرسوم، وأماكن الاستلام، علشان تجهز شنطتك وتسافر وأنت مطمن.
خطوات استخراج جواز سفر أونلاين من البيت 2026
افتح موقع وزارة الداخلية الرسمي.
اختار “دليل الخدمات الحكومية”، ومنها خدمة “الهجرة والجنسية“.
سجل حساب جديد أو سجل دخول لو عندك حساب قديم.
ابدأ في ملء البيانات المطلوبة.
حمّل الأوراق المطلوبة على الموقع.
ادفع رسوم الخدمة أونلاين.
استلم جواز سفرك في الموعد المحدد، ولازم أنت اللي تستلم بنفسك.
عاوز تطلع جواز مستعجل لأول مرة؟
اتجه لأقرب قسم جوازات حسب عنوانك في بطاقة الرقم القومي.
املى نموذج 29 جوازات بخط إيدك.
قدم الأوراق المطلوبة للموظف المختص.
ادفع الرسوم وخد الإيصال.
جواز السفر المستعجل بيطلع خلال 24 ساعة، والعادي بياخد من أسبوع لـ 10 أيام.
الأوراق المطلوبة لاستخراج جواز سفر
بطاقة رقم قومي سارية (للي فوق 16 سنة).
شهادة ميلاد مميكنة (للي تحت 16 سنة).
شهادة مؤهل دراسي مختومة (لو مش مكتوب المؤهل في البطاقة).
3 صور شخصية خلفيتها بيضا (6×4).
شهادة قيد دراسي (للطلبة).
الموقف من التجنيد (للذكور).
قسيمة جواز (للإناث).
بطاقة الرقم القومي للأب (للأطفال).
مدة استخراج جواز السفر حسب نوع الطلب
مستعجل: خلال 48 ساعة.
فوري: في نفس اليوم.
عادي: من 7 لـ15 يوم عمل.
تكلفة استخراج جواز السفر
مستعجل: 1450 جنيه.
عادي: 900 جنيه.
من فين تطلع جواز السفر؟
من أقرب قسم جوازات تابع لمحل سكنك المكتوب في البطاقة.
أو من مصلحة الجوازات والهجرة في العباسية (لسكان الأقاليم).
مدة صلاحية جواز السفر: 7 سنين من تاريخ الإصدار، وبعدين ممكن تجدده بنفس الطريقة.
مقترح
تسوق
5 أماكن تشتري منها بوركيني للمصيف في القاهرة.. موديلات شيك وأسعار مناسبة
Mayo Shop Rouge Store +10
معالم وسياحة
