The Definitive Guide to Living in the Capital , Cairo , Egypt

الحياة في كايرو -
مقترح

Rush: أول مهرجان للرياضات الصديقة للبيئة في مصر والعالم العربي

Rush: أول مهرجان للرياضات الصديقة للبيئة في مصر والعالم العربي
بواسطة
Haisam Awad

في يوم 2 أبريل السنة دي، مصر هـ تستضيف مهرجان فريد من نوعه، وعلشان نكون محددين، هو مهرجان للرياضات صديقة البيئة. أول ناس فكرت في إقامة المهرجان ده هم Dune Raider Sandboarding وهم مجموعة من محبي المغامرة، واللي لعبوا دور كبير في إدخال لعبة التزحلق على الرمال في مصر خلال السنوات القليلة اللي فاتت.

المهرجان المقام في ماجيك ليك الفيوم Magic Lake معمول لكل اللي عندهم حب المغامرة، ثلاثة أيام من الرياضات والأنشطة اللي هـ تعلي الأدرينالين عند أي حد بـ يحب يتزحلق على الرمال، يتسلق الجبال ويمشي في الطبيعة، يصطاد أو حتى بـ يحب التجديف وركوب الخيل… من الآخر Dune Raider Sandboarding ما سابتش حاجة إلا وفكرت فيها.

أهم حاجة في المهرجان ده أن Dune Rider Sandboarding هـ يقوموا بجولة حول العالم، واللي بـ تبدأ من مصر بحضور عدد كبير من أشهر راكبى الرمال في العالم. والأهم من كده أنهم ملوك الرياضة دي في العالم كله.

"Rush بالنسبة لنا كان حلم".. بالكلام ده بدأ كريم حسام من Dune Raider، "طول عمرنا كنا بـ نحلم أننا نستضيف بطولة العالم للتزحلق على الرمال، بس بما أننا كمجموعة اتفقنا على حب الطبيعة كمان، موضوع بطولة العالم تحول لمهرجان سنوي بـ يضم كل الألعاب المشابهة واللي بـ تتفاعل مع الطبيعة بشكل مباشر في ممارستها."

المهرجان هو نتاج مجهود كبير من حسام وزملاؤه. "درست إزاي نقدر ننظم حدث زي ده في مصر من أمريكا سنة 2014، ومعايا شهادة كمحكم معتمد ومدرب، وده ساعدني أني أوصل لهدفي وهو استضافة البطولة في مصر."

صحيح المجهود كان كبير بالنسبة لحسام، ولكن في نهاية الأمر المجهود نابع من حب وشغف بالرياضة، واللي بدأ برحلة تزلج على الثلوج، واللي رجع منها وهو عاوز ينقل خبرته لمصر.

"بدأت رياضة التزحلق على الرمال في مصر سنة 2007 بلوح معدني عملته بنفسي، ما نجحتش؛ ما كانش بـ يتحرك بسهولة وكنت بلاقي نفسي باغرز في الرمل! وأخيرًا صنعت واحد من الخشب في ورشة نجارة، ونجح… وبقيت اتزحلق بحرية".

موضوع Dune Raider Sandboarding بدأ لما بقوا أصحابه بحضروا معاه الرحلات اللي بـ يعملها علشان يمارس رياضته المفضلة، بعدها بدأ الموضوع يتحول لصفحة فيسبوك بـ تضم كل من عنده نفس الهواية، ومن بعد أول رحلة منظمة لمحبي الرياضة دي، الموضوع بدأ يكبر لحد ما وصل Dune Raider Sandboarding.

المبهر في الموضوع، أن Dune Raider قدرت أنها تضمن موافقة الحكومة لتنظيم المهرجان، وده اللي خلى Dune Raider Sandboarding هي الأب الروحي لرياضة التزحلق على الرمال في الشرق الأوسط. وبعد مرور 7 سنين على أول رحلة رسمية للتزحلق على الرمال، حسام مقتنع أن الرياضة دي لسه في بداياتها في مصر.

وأضاف حسام بكل فخر: "التزحلق على الرمال في مصر مازال الناس بـ تعتبره نشاط أكثر منه رياضة، ولكن بعد شهور من التزحلق على البيروقراطية وكثبان الأوراق الرسمية والتصاريح، وزارة الشباب والرياضة بقيت تعترف رسميًا بالرياضة الصديقة للبيئة، ده إحنا كمان في مرحلة التجهيز لإعلان أول اتحاد رسمي للتزحلق على الرمال في مصر".

الخطوة دي مميزة لما تحط فى الاعتبار حقيقة أن التزحلق على الرمال بدأ بس فى أوائل التسعينيات، ومن وقتها، والمجتمع العالمى لرياضة التزحلق على الرمال كبر بسرعة، واتخذوا مصر وجهة مثالية لهم.

"فيه أماكن كثيرة مناسبة للرياضة دي فى مصر، أقربهم هى رمال منطقة القطانية، على بعد حوالى 70 كم، وفيه كمان أماكن زي سيوة ووادى الحيتان، اللى كمان بـ يعتبروا من  الأماكن المميزة".

سهل جدًا أننا نعتبر Rush على قمة رياضة التزحلق على الرمال فى مصر، لكن حسام بـ يرفض الفكرة دي بدل ما يعتبرها مجرد البداية.

"تعتبر Rush سلسلة أحداث بـ ننظمها علشان تنتشر فى كل أنحاء مصر، فى 2016 نتمنى نعمل جولة فى كل من مصر ودبي، طيب فى 2017؟ احتمال نروح مكان ثاني جديد.

حسام كهاوى لرياضة التزحلق على الرمال عنده رؤية كاملة للموضوع، الرياضة دي مازالت لسه فى بداياتها، وأحدى طرق المحافظة على نموها بثبات من خلال إتاحتها للجميع، ودي حاجة Rush قادرين يحققوها وشاطرين فيها.  

"هدفنا أن Rush تكون محور لكل الرياضات الصديقة للبيئة، ونتيح مكان للمغامرين أنهم يستعرضوا ويعبروا عن شغفهم بالرياضة فى الهواء الطلق".

حققت Rush اهتمام كبير للجنسين من محبي التواجد فى الأماكن المفتوحة، كمان أنها بذلت مجهود كبير فى أنها تخلى المهرجان مرحب للناس اللى لسه مش عندها خبرة فى مجال الرياضة دي، من خلال تنظيم عروض موسيقى حية ومهرجانات باربكيو، مع أنشطة كثيرة زي الزومبا واليوجا، والنحت على الرمال ودروس صناعة الفخار.

دليل على ضخامة المهرجان والتقدم الهائل اللى أحرزوه فى خروج Rush للحياة.

لمزيد من المعلومات، اضغط هنا.

مقترح