The Definitive Guide to Living in the Capital , Cairo , Egypt

تسوق
إنفوتيس – Invotis

إنفوتيس: أحلى اكسسوارات وهدايا في القاهرة

  • داخل أمريكانا بلازا
  • إكسسوارات
تم التقييم بواسطة
Dina Mokhtar
قيم
قيم الآن
إنفوتيس: أحلى اكسسوارات وهدايا في القاهرة

من بين الحاجات المشهورة بيها القاهرة المحلات اللي بتبيع منتجات مالهاش علاقة ببعض بيحتاجها كل بيت، يعني ممكن تلاقي اكسسوارات وأدوات مكتبية وأدوات مختلفة في مكان واحد. يمكن كتير من الأماكن دي أسعارها كويسة جدًا بس المشكلة يا إما الحاجة جودتها قليلة أو ذوقها مش حلو.

إنفوتيس تأسست سنة 1995 في هولندا كشركة تصميمات بتبيع منتجاتها أونلاين بتقدم منتجات تصميمها مميز وجودتها عالية، وبعدها فتحوا فروع كتيرة حول العالم، وزيارتنا كانت لفرعهم في أمريكانا بلازا.

المكان بسيط وبتشوف فيه ترابيزات وأرفف بيضاء، وأكتر حاجة بتخطف العين هي منتجاتهم المميزة. الحوائط كمان مدهونة باللون الأبيض ومعروض عليها مجموعة من ساعات الحائط بأشكال وأحجام مختلفة. من بين الساعات المعروضة واحدة مدورة سوداء مفرغة حجمها متوسطة تنفع لو المكان ستايله مودرن (300 جنيه). واحدة ثانية بنفس الشكل بس أصغر شوية فيها صورة بالأبيض والأسود لجرو صغير (100 جنيه) جايز تعجب ناس كتير بس إحنا ماكانتش داخلة دماغنا. نروح لحاجة مختلفة شوية وهي ساعة صغيرة مميزة هتضيف لمسة مختلفة للمطبخ، عبارة عن جسم علبة صفيح وفيها بندول ساعة.

نروح على حاجة مش مطرقعة زي الساعات بس عملية جدًا وهي براويز صور تتعلق على الحيطة، ودي تعتبر أكتر من هايلة للناس اللي بتحب تحتفظ بالذكريات قصاد عينها. البراويز معمولة من MDF أو معدن وتصميمها بسيط؛ واحد من البراويز عبارة عن 12 برواز معدن منفصلين ومتوصلين ببعض بشكل تجريدي (520 جنيه)، وواحد تاني مستطيلMDF ممكن يشيل لغاية 9 صور بأحجام مختلفة (630 جنيه). جايز فكرة البراويز المتعددة دي تكون عجبتنا بس مع الأسعار دي أحسن لنا نحتفظ ذكرياتنا في قلوبنا.

لسه مكملين مع اكسسوارات البيت ومعانا شمعدان أبيض على شكل جذع زرافة، وفي مكان لشمعة مطرح الرأس (39 جنيه). في نفس الركن شوفنا نموذج شمعة سايحة بتلمع في الضلمة (49 جنيه) ومحطوطة على طبق شمع أنتيكة. بصراحة الشمعدان الأولاني كان عملي أكتر – وكمان تصميمه ذكي –والثاني صحيح تصميمه حلو بس مش هيكون عملي لو النور قطع.

من المعروضات المثيرة للاهتمام مانع غلق للباب على شكل قالب دهب، ونقدر نقول إنها أهم حاجة شوفناها في المحل، وتعتبر عملية وملفتة للانتباه.

إنفوتيس عندهم كمان تشكيلة كبيرة من الأدوات المكتبية زي الأقلام وشنط الظهر وصورللاب توب. شوفنا عدد من صور اللاب توب مقاس 15 بوصة (28 جنيه للواحدة) منها صور لهيكل عظمي للنص العلوي لابس بيكيني أو بدلة. صحيح الموضوع مضحك بس ننصحكم بلاش تروحوا مقابلة شغل بالصور دي.

لو كنت بتدور على قطعة مميزة تغير بيها من ستايل بيتك أو هدية لحد عزيز عليك، اطلع على إنفوتيس من غير تفكير. حتى لو كنت قريب من محل، ادخل واتفرج على شغلهم علشان أكيد هيبهرك.

نصيحة 360

إنفوتيس عندهم فرع تاني في سيتي ستارز.

أحسن حاجة

صحيح في حاجات غالية شوية، لكن معظم المعروضات سعرها معقول.

أسوأ حاجة

التصميمات مميزة، لكن في الأخر هتلاقي حاجات مش عملية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح