The Definitive Guide to Living in the Capital , Cairo , Egypt

مفيش حاجة أحسن من الشراء على الإنترنت للقاهريين الكسلانين: كل اللي عليك أنك تعمله أنك تدور على المنتج اللي انت عايزه، وبـ تقرأ رأي الناس اللي جربوه وبـ تدفع
على الإنترنت أو لمّا المنتج ييجي لغاية باب البيت عندك. التسوق على الإنترنت يعتبر ظاهرة جديدة في مصر بس بـ تنمو في السوق بسرعة جداً. مفيش مواقع كتير للشراء على
الإنترنت، بس المواقع المتاحة بـ تدل على أن الشراء عن طريق الإنترنت هـ يكون معروف
جداً ما بين الناس قريب.

المقال ده هـ يركز على نوعين من المواقع: أول نوع هو مواقع الشراء الجماعي، وديه بـ تقدر من خلالها
تشتري عرض معين فيه خصم على منتج أو خدمة، زي مثلاً 50% تخفيض على وجبة في مطعمك
المفضل. والنوع التاني هو مواقع الشراء من على الإنترنت، وهي مواقع بـ تلاقي عليها كل أنواع المنتجات
معروضة للبيع، وكمان بـ يبقى عليها منتجات مستعملة قبل كده وأصحابها بـ يعرضوها للبيع من خلال الموقع.

مواقع الشراء
الجماعي: «اوفرنا – Offerna»، «كوبون– Cobone»، و«جونابيت– Go
Nabit»، كلهم بـ يستخدموا أقدم و أسهل
وأكتر طريقة مؤثرة عشان تبيع بيها حاجة، وهي عن طريق الإتصال الشخصي المباشر. الفكرة
نفسها بسيطة جداً؛ أصحاب المنتج أو الخدمة بـ يعرضوا المنتج أو الخدمة لوقت محدود بس بتخفيض كبير، وعشان العرض يشتغل لازم عدد معين من الناس يشتروه، فـ الناس بـ تبدأ تقول لأصدقائها عن العرض عشان يشتروه، وأول ما العدد المحدد من الناس يشتروا العرض، المشتري
بـ يأخذ القسيمة الإلكترونية ويروح المحل أوالمطعم ويأخذ الخصم. ولو العدد المحدد من
الناس لم يشتروا العرض، العرض هـ يتلغى والفلوس بـ ترجع تاني للناس. 

كيفية إستخدام
اوفرنا، كوبون، جونابيت: سجل على الموقع بتاعهم وكل يوم هـ يجيلك ايميلات
منهم عن العروض الجديدة. ولو عجبك العرض ممكن تشتريه عن طريق «الـﭬيزا»، «ماستر
كارد»، وطرق الدفع على الإنترنت، أو ممكن تختار أنك تدفع عند الإستلام. هما بـ يكلموك في خلال يوم واحد عمل عشان يرتبوا اليوم والميعاد اللي هـ ييجي فيه المندوب لغاية البيت وتدفع له الفلوس. بعد ما تطلب العرض بيومين
هـ تستلم القسيمة الإلكترونية.

هـ تلاقي للمواقع ديه صفخات نشطة على الفيس بوك وتويتر وتقدر تعرف من عليهم العروض اليومية
بتاعتهم.

استخدام
المواقع سهلة جداً: المواقع الثلاثة إستخدامها سهل جداً، مكان العروض وشروطها
كويس جداً والعروض بـ تبقى واضحة على الموقع. بس كوبون أفضل منهم لأنه بـ
يتيح التعليقات للمستخدمين تحت كل عرض، وده بـ يساعد المستخدمين الآخرين أنهم يفهموا العرض
كويس ويقدروا يقرروا هم عايزين يشتروه ولا لأ بناءً على تعليقات الناس اللي جربته.

العروض رائعة: من ضمن العروض اللي موجودة هـ تلاقي عشاء مميز لفردين وتأجير يخت خاص في النيل من مطاعم «نايل ليلي
العائمة»، قسيمة شراء بـ 200 جنيه لمنتجات سعرها يساوي أكثر من 400 جنيه من محل «كيبلينج –
Kipling»، أو 70% خصم في «ايتسومي سوشي
بار- Itsumi
Sushi Bar»، أو يوم كامل في «ﭼيم برو
سنتر- Pro
Center Gym» بـ 80 جنيه بدلاً من 200
جنيه.

مواقع الشراء
على الإنترنت: زي «سوق – Souq» و«نفسك– Nefsak» المواقع ديه بـ تركز على بيع المنتجات الجديدة والمستعملة بدلاً
من تقديم عروض خاصة. المنتجات المعروضة للبيع بـ تبقى مباشرة من التجار أو أصحاب
المنتجات نفسها، المواقع بـ تبيع إلكترونيات، ملابس، إكسسوارات، مستحضرات تجميل،
كتب، ولعب. وكتير هـ تلاقي عروض على منتجات إلكترونية مستعملة بس إستعمال بسيط زي
تليفونات البلاك بيري والآي باد وكاميرات SLR .

فكرة الموقع: «سوق»
و«نفسك» يعتبروا نقطة لقاء ما بين آلاف المشتريين والبائعين، والمواقع ديه موثوق فيها وكلهم بـ يقدموا أسعار تنافسية
للمشتريين. بعد كده المشتريين يقدروا يعلقوا على المنتج ويقيموه على الموقع، وبالتالي هـ يقدموا نصائح يفيدوا بيها مشتريين آخرين.

إزاي تستخدم
سوق ونفسك:
كل اللي محتاج تعمله هو أنك تسجل على الموقع وتدور على المنتج اللي انت عايزه.
وبعد ما تقرأ التعليقات على المنتج وتشتريه ممكن تدفع على الإنترنت أو تدفع نقداً عند الإستلام. تقدر كمان تسجل الإيميل بتاعك على الموقع عشان يبعتولك الجديد وأحدث
العروض عندهم. »سوق» بـ يقدم خدمة توصيل
رائعة، المنتج بـ يوصلك في الميعاد المحدد بالظبط في خلال يومين أو ثلاثة أيام من الشراء.

إستخدام المواقع:
إستخدام الموقعين سهل جداً، بس «سوق» له سهولة أكثر في التعامل. وكمان الموقع بـ يقدم سياسة الإسترداد في خلال
3 أيام، مكن تغير فيهم المنتج بتاعك أو ترجعه لو مش عاجبك من غيرما تخسر أي حاجة من فلوسك. بس الفكرة في أن
الموقع مش هـ يرجعلك فلوسك نقداً، هـ يحطوها في حسابك على موقع «سوق.كوم» وتقدر تستخدمهم
تاني في المستقبل.

المواقع ديه ذكية جداً، مفيدة جداً وسهلة في إستخدامها، وبـ تساعدك على أنك
تأخذ خصومات كبيرة على منتجات وخدمات بجودة عالية في مصر، وبوجود مواقع زي ديه، التسوق بقى أسهل بكثير.