The Definitive Guide to Living in the Capital , Cairo , Egypt

تسوق
ذا دريسينج رووم – The Dressing Room

ذا دريسينج رووم: بوتيك ساحر في الزمالك

  • 13 ب شارع المرعشلي
  • ملابس حريمي
  • 10 صباحًا - 11 مساءً -
تم التقييم بواسطة
Aliaa Serry
قيم
قيم الآن
ذا دريسينج رووم: بوتيك ساحر في الزمالك

من المعروف أن مشهد الأزياء المصري بـ يكبر بسرعة رهيبة، الأكيد أن أهل القاهرة بـ يحبوا يدلعوا نفسهم بملابس راقية، مختلفة وعلى الموضة.

واحد من البوتيكات اللي بـ تروي عطش عشاق الموضة هو "ذا دريسينج رووم – The Dressing Room"، بمكانه في المنطقة المتخصصة في المحلات المبتكرة بكل أنواعها. أكيد عرفتوا إحنا نقصد مين؛ الزمالك طبعًا. قابلتنا ابتسامة موظف البيع هناك أول ما دخلنا، واللي رحب بنا بشدة في المحل المريح.

الفكرة في ذا دريسنيج رووم أنه المكان اللي تروحيه لو بـ تدوري على حاجة مميزة لأي مناسبة. المحل بـ يخدم كل الأذواق، وعلشان كده نصف المعروضات هـ تلاقيها من مصممين أزياء محليين، والنصف الثاني مستورد من باريس.

الديكورات هناك بسيطة نوعًا ما، ومافيش أي نوع من تشتيت التركيز، بحيث يكون تركيزنا كله على الملابس والإكسسوارات المعروضة، لاحظنا كمان أن فيه مراية كاملة و"كابينة سيلفي"، وفي رأينا أنها أضافت لمسة لطيفة لشكل المكان العام.

من بين أرفف عليها تصميمات لمصممين مصريين، وقعنا في غرام بنطلونات قفطان من شروال (350 جنيه) وفستان ماكسي واسع من دينا شاكر (250 جنيه). بعد ما اتمشينا أكثر في المحل، شوفنا top دانتيل بأكمام طويلة (780 جنيه)، ممكن يمشي على ملابس كاجوال أو رسمية، وكمان عجبنا فستان ماكسي مزين بدانتيل أبيض (660 جنيه) شكله مريح جدًا.

عيوننا عدت على رف ملابس السهرة، وكمّلت لغاية ما وقعت على فستان فضي مغري جدًا بأساور مطرزة أكيد بـ يخطف الانتباه (6720 جنيه).

لاحظنا كمان حاجات ثانية منها ملابس بحر، شنط bucket bags وكلاتش، بلوزات قصيرة، أفرولات jumpsuits مع عدد من الإكسسوارات الملونة، ما قدرناش نقاوم تاتوهات فضي وذهبي (200 جنيه للوحة الواحدة) عند الكاشير علشان تضبط بشرتنا المطلية من الشمس حديثًا.

علشان نلخص الموضوع، أكيد ذا دريسينج رووم واحد من الأماكن المختلفة عن المنتشر ويعتبر مكان مثالي لعشاق الموضة، والفضل يرجع لأزيائهم الفريدة وكمان الموظفين الممتازين، أكيد تجربة تسوقنا هناك كانت هائلة ويمكن نروح هناك مرة ثانية علشان ندمر الشوية الباقية من ميزانيتنا.

نصيحة 360

تابعي أكونت ذا دريسينج رووم على إنستجرام، وصفحتهم على الفيسبوك لمعرفة أحدث عروضهم!

أحسن حاجة

أغلب التصميمات موجود منها قطعة أو اثنين بالكثير، وده يضمن أنك تختاري حاجة مميزة (ومش هـ تشوفي مليون واحدة ثانية لابسة نفس حاجتك).

أسوأ حاجة

الأسعار كانت غالية نوعًا ما.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح