The Definitive Guide to Living in the Capital , Cairo , Egypt

تسوق
نايكي

نايكي: منفذ بيع ملابس رياضية بأسعار رخيصة في الهرم

  • 129 ش فيصل - الهرم
  • ملابس رياضية
تم التقييم بواسطة
Haisam Awad
قيم
قيم الآن
نايكي: منفذ بيع ملابس رياضية بأسعار رخيصة في الهرم

اللي
غاويين يشتروا الحاجات اللقطة بـ يبقوا عارفين كويس منافذ بيع الملابس اللي أسعارها
رخيصة في البلد، لكن منفذ بيع «نايكي» في شارع فيصل بالهرم ممكن يبقى فلت من
رادارات الناس.

وسط
دوشة الشارع دائم الزحام، واضح أن محل «نايكي» قرر أنه يفرض نفسه ويظهر بأي طريقة
وحط لافتة كبيرة فوق المحل مكتوب عليها “تنزيلات حتى 50%”.

العرض
نازل على تي شيرتات كثيرة جدًا، من أول الموديلات السادة وعليها علامة
“الصح” بتاعة «نايكي» بألوان متعددة من أول 99 جنيه وأنت طالع، ولغاية الأشكال
الملعبكة أكثر بعلامات «نايكي» وتي شيرتات الكرة تبدأ من 169 جنيه. بنطلونات التريننج
موجود منهم كثير، رغم أننا وقت ما رُحنا لقينا موديل منهم بـ 149 جنيه، لكن عادةً
هما بـ يبقوا أغلى من كده هناك، ما بين 209 و299 جنيه.

رغم كمان أن فيه تشكيلة كبيرة من الأحذية مرتبة بالمقاس، لكن
أغلبهم للأغراض الرياضية. ممكن تختار منهم حذاء للجري أو للچيم ما بين 199 جنيه و599
جنيه. وكل ما تلاقي جزمة سعرها أقل من كده، كل ما هـ تلاقيها غريبة وسيئة. وتحس
أصلاً أن أغلب الأحذية كانت نتاج رفض من تجارب سيئة، وخصوصًا في القسم الحريمي.

لاعبي الكرة ممكن يختاروا حذاء ما بين 239 جنيه و599 جنيه،
وفيه منهم تشكيلة واسعة أشكال وألوان من الموديلات والتصميمات: المرصعة، اللي فيها
سنون، وأحذية الجري على النجيلة. ده حتى كمان متوفر منهم ألوان فاقعة زي الأصفر
الفوسفوري، الأخضر، والأحمر والأبيض لكل الأولاد الشيك اللي غاويين كرة.

وعلى عكس أغلب العاملين في محلات كايرو، البائعين في «نايكي»
بـ يبقوا سايبينك براحتك وبـ يعطوك الحرية الكاملة أنك تتفرج وتقلب في المحل من
غير ما يلاحقوك في كل خطوة. ده مش معناه أنهم مش بـ يساعدوك، بالعكس دول سريعين
وبـ يجاوبوا على أي استفسار أو سؤال عندك، ومؤدبين ولطفاء. ده بـ يساعد أكثر لمّا
تبقى بـ تقيس الأحذية، لأنك ساعات كثيرة بـ تضطر تجرب كذا حذاء وتبعته ثاني لو مش
مناسبك، وهما مش بـ يبقوا متضايقين. لكن من تجربتنا، إحنا حسينا أنهم غالبًا بـ
يبقوا منتظرين مكافأة منك على خدمتك.

المشكلة في منافذ البيع الرخيصة للمحلات أنها مسألة حظ. مع البواقي
القديمة، فغالبًا بـ يبقى مزيج من ده على ده وحاجات غريبة. لازم يبقى نفسك طويل
شوية علشان تتسوق في مكان زي ده، لأنك غالبًا هـ تلاقي حاجة مناسبة جدًا لك وسعرها
هـ يجننك، وفي الآخر هـ تلاقي أن مش متوفر منها غير المقاس الأصغر خالص، أو الـ X-Large. ما تخليش عندك عشم، وغالبًا هـ تلاقي حاجة لُقطة هناك.

نصيحة 360

أمام المحل فيه منفذ بيع لكذا محل مع بعض (ليفايس، تيمبرلاند، وريبوك).

أحسن حاجة

دور على حاجة نزل تخفيض عليها، وشيل السعر الجديد وسيب السعر القديم، وقدمها لواحد من أصحابك كهدية جميلة.

أسوأ حاجة

ده منفذ بيع بواقي، فمش دائمًا هـ تلاقي المقاس المطلوب.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح