The Definitive Guide to Living in the Capital , Cairo , Egypt

يوم الجمعة يوم مميز جدًا، فيه جو مختلف، هو يوم الأجازة الرسمي، واللي تقريبًا كل العيلة بتتجمع وتقعد مع بعضها فيه، ولما بيحبوا يتفرجوا على حاجة بيختاروا حاجات لطيفة وخفيفة، يعني تبقى الناس متجمعة وعاوزة تنبسط، علشان كده كل البرامج الخفيفة والكوميدي بتعرض يوم الجمعة.

الجمعة في مصر اسم مكرر مافيهوش أي إبداع،  لكن محتوى البرنامج  جيد، البرنامج من تقديم ياسمين سعيد، إعلامية مثقفة، وعندها طلاقة في الكلام اشتغلت 3 سنين في قناة الحياة وعملت فيها برنامج ناجح، وبعدها اتنقلت للعمل في قناة MBC مصر، علشان تعمل برنامج اسمه “مصر الآن” وبعده قررت تعمل حاجة مختلفة، فعملت الجمعة في مصر.

من الواضح إن ياسمين مرتبطة بمصر، وبالكلام عنها، ومع اعتبار إن فيه برامج كتيرة بتتكلم عن مصر، يبقى لازم نخلي بالنا وإحنا بنتابع برنامج جديد داخل في نفس الموضوع.

البرنامج باين من اسمه، ببساطة بيحاول يجمع أهم الأحداث اللي حصلت في مصر على مدار الأسبوع ويتكلم عنها، يعني برنامج منوع ما بين السياسة والرياضة والفن والمجتمع، مش هيعرف يجيب كل حاجة، لكنه بيختار بعناية المواضيع بتاعته، وبيحاول يشوفها من عين شاملة.

البرنامج بيحاول يركز الضوء على الأحداث المتنوعة، وبيستضيف مجموعة من الشخصيات البارزة في مجالات مختلفة، بيناقشوا ويحللوا المواضيع اللي بتتكلم عنها الحلقة، وفيه حلقة بتكون مرة واحدة شهريًا بيتم فيها عمل استطلاع رأي لكل الناس عن الأحداث المختلفة طول الشهر وايه رأيهم في اللي حصل، اتفرجوا عليه وقولوا لنا رأيكم.