The Definitive Guide to Living in the Capital , Cairo , Egypt

في عام 1986 جابريل (بوتشي) كان لسه عامل عملية إزالة ورم في
المخ، مما يتسبب له في فقدان ذاكرة وعدم القدرة على استرجاع أو حفظ ذاكرة طويل المدى. ذكرياته كلها بـ تختفي عند وقت 1970 في الوقت اللي اختلف فيه مع والده هنري (سيمونس) وساب بيته وما رجعش ثاني. حاول والده أنه يساعده علشان يسترجع ذكرياته ثاني فـ استعان
بـ ديان (أورموند) معالج موسيقي لأنه اعتقد أن سماع جابريل للموسيقي المفضلة له وهو
صغير ممكن ترجع له ذاكرته. فيلم “الموسيقي لا تتوقفThe
Music Never Stops ” بـ يحكي قصة تواصل وعلاقة الأب وابنه عن طريق حبهم لنوع موسيقى
واحد.

وطبعًا علشان الفترة الزمنية للفيلم كان أفضل حاجة أنه يكون
مليان بموسيقى لفنانين زي “بوب ديلين”، “ذا بيتلز”، “ذا رولينج
ستونز”، “ستيبين ولف آند كريم” مع أبرز فريق طبعًا  The Grateful Dead. كان شيء ممتع جدًا أنك
تسمع الفنانين دول وأغانيهم الرائعة وعرضها بشكل رائع لـ جابريل.

أغنية بوب ديلين “Desolation
Row” من الأغاني اللي كان لها عرض حلو في الفيلم، في المشهد ده جابريل بـ يفتح عينه وبـ
يحاول يحلل الأغنية وبـ يشرح لأبوه اللي حاسس به وليه هو بـ يتواصل مع الأغنيه دي.
النوع ده من المواقف حصل كثير في الفيلم بس المشهد ده كان أكثر المشاهد إحساس علشان
أداء بيتشي فيه، لكن برضه كان أداؤه محبط شويه لأن كل ردود فعله للأغاني كانت واحدة
بـ يلف ويجري ويقع، كان بـ يتفاعل مع كل أغنية زي الثانية يعني نفس ردة فعله لـ Grateful
Dead هي هي
نفسها رغم أن قيل لنا بأسلوب مش واضح أنه من أشد المعجبين بالفرقة دي.

أما سيمونس كان يقطع القلب زي هنري، أداؤه كان رائع، هنري بـ
يمر بمرحلة أنه قلقان على ابنه وعلى أنه هـ يفقد الذاكرة وفقد الأمل أنه يرجع ثاني
طبيعي لغاية أما اكتشف فكرة العلاج بالموسيقى، في خلال أحداث الفيلم هنري وجابريل بـ
يحاولوا يصلحوا علاقتهم ببعض وهنري تعلم أنه يشوف ابنه كشخص له شخصية مستقلة مش شخص
مصغر منه فقط. في الفيلم بـ يتعلم برضه أنه يواجه فكرة المشاكل التربوية مش يلوم أغاني
الروك آند رول فقط لتلويث دماغ ابنه لكن كمان اعتقادات ابنه السياسية.

رغم أن الفيلم مدته طويلة شوية، لكن هو فيلم لطيف والموسيقى
التصويرية له رائعة. المعجبين بنوع الموسيقى دي هـ يتواصلوا مع جابريل قوي وهـ يقدروا
وهـ يفهموا هو ليه كان بـ يلهم منها أما يسمع أي أغنية، طبعًا مع أداء سيمونس الرائع
اللي كانوا أحسن حاجة في الفيلم.