The Definitive Guide to Living in the Capital , Cairo , Egypt

تليفزيون
كل يوم

برنامج كل يوم: عمرو أديب على On E

  • إخباري
  • من الآن
تم التقييم بواسطة
Ahmed Abd El Gawad
قيم
قيم الآن
برنامج كل يوم: عمرو أديب على  On E

كل يوم كل يوم كل يوم… هطلع لكم كل يوم، مش هسيبكم أبدًا، هتلاقوني طول الوقت قدامكم، أكلمكم زي ما اتعودتوا عليا، بصوتي العالي، وأدائي اللي الناس أختلفت عليه، منهم اللي بيقول لي يا عمرو أنت أوووفر، واللي بيحبني علشان كده، أنا بقى كده وهفضل كده، زي ما بقول لكم كده يا جماعة… "تخيل لمقدمة البرنامج بصوت الإعلامي عمرو أديب"

رحلة كفاح طويلة، من تلفزيون للتاني، ومن برنامج للتاني، لحد ما نجمه علي جدًا، ومعاه فريق إعداد من نار، بيجيب له تقارير وحوارات مع ناس ماحصلتش فبقى النجم عمرو أديب على قناة "أوربت" اللي بيتدفع لها فلوس علشان تتفرج عليها، وده معناه أنه بقى من الرابحين في سباق مجزرة الإعلام اللي بتدبح أي حد يقف في طريقها، وبترفع أي حد عايزة ترفعه وتلمعه.

عمرو أديب واحد من الناس اللي تقف قدامها كده وتشوف أداؤه فتستغرب، هو مش ماشي على وتيرة واحدة، هو أكتر تحسه دارس مسرح، بيفهم في التمثيل والإيماءات والحركات وبيعرف يجذب عين المشاهد سواء بتون صوته اللي بيتغير بشكل كبير ومدروس في مناطق محددة، ومناطق تانية بيبقى عمرو أديب واحد من أكتر الإعلاميين هدوءًا ورزانة.

اشتهر جدًا واتهاجم جدًا، ظهر ضد الثورة في وقت، وبعدين رجع وقال دي ثورة جميلة وبتاعتنا، وبعدين رجع ووقف محايد، من الإعلاميين اللي ليهم قبول، لأنه قدر يعمل طريقة ليه لوحده.

قررت قناة On E بعد ما غير شكلها، تجيبه وتدفع مبالغ كبيرة جدًا، بس طبعًا في المقابل فيه إعلانات تقيلة جدًا، جت على اسم عمرو اديب، والبرنامج بتاعه مختلف لأنه إعلامي مخضرم عارف بيعمل إيه، لما قرر يروح القناة الجديدة، ماسابش طقم الإعداد بتاعه، وأخدهم معاه، ونجوم كتير جات له البرنامج من غير مقابل، بس علشان معرفة شخصية، والبرنامج بيتفرج عليه ناس كتير من محبيه ومن معارضيه، علشان يشوفوا إيه الجديد اللي هيقدمه، عمومًا البرنامج مختلف وبيعرض فقرات مختلفة، منها اللي متعودين عليه، زي ما بيقعد عمرو يتكلم كل يوم عن حال البلد وفي قضايا مختلفة، أو أنه يجيب محلل في موضوع ما ويناقشه، أو يستضيف نجم كبير ويعمل معاه حوار مختلف، اتفرجوا وقولوا لنا رأيكم.

عجبك ؟ جرب

هنا العاصمة لميس الحديدي

نصيحة 360

برنامج كل يوم، تقديم عمرو أديب، يعرض على قناة  on، من السبت إلى الخميس الساعة 9:30 مساءً، ومن إخراج شريف السقا.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح