The Definitive Guide to Living in the Capital , Cairo , Egypt

تليفزيون
تكس مكس

تكس مكس: برنامج للأكل المكسيكى والأمريكى على قناة ست البيت

  • أحمد عويضة
  • طبخ
  • من الآن
  • كريم متياس ومحمود حمدىكريم متياس ومحمود حمدى
تم التقييم بواسطة
Rasha Zeidan
قيم
قيم الآن
تكس مكس: برنامج للأكل المكسيكى والأمريكى على قناة ست البيت

برنامج بـ يقدمه الشيف المتألق أحمد عويضة المقيم فى مدينة نيويورك واللي هـ يعرفنا الأكل المكسيكي والغرب الأمريكي زي الفاهيتا والناتشوز وغيرها كثير… وبعيد عن الأكلات اللي تعودنا عليها.. وعن الأكل اللي عرفناه في عالمنا العربي.. هـ نتفرج معاه على مطاعم جديدة لكن من غير ما نزور المطاعم دي.. هـ نتفرج على كل الأكلات اللي بـ تتقدم في الوجبات السريعة وغيرها وإحنا في بيتنا أمام تليفزيوننا ومتغطيين ببطانيتنا وبـ نشرب شاينا.. أو بـ نأكل فيشارنا.. واللي يعجبنا نقوم ونطبخه في مطبخنا.

ومن هنا ورايح أي حد عاوز يعرف أي طبخة من المطبخ ده يتابع الشيف أحمد عويضة اللي هـ يأخذنا معاه في رحلة يعرفنا فيها أسرار تكساس والمكسيك وتكات وحركات المطاعم باستخدام المعدات والمكونات الموجودة فى المطبخ عندنا.

الجميل في البرنامج أنه بـ يتم تصويره في مكان مفتوح.. شمس وبحر وجو صافى وده متماشي مع الثقافة الغربية وحفلات الشوي والأكل اللي بـ يتعمل مخصوص علشان البحر والمطابخ اللي ممكن تتنصب في أي مكان المهم الناس تتبسط.

فيه ناس ممكن تتبسط من نكتة، وفيه ناس من فيلم حلو تتفرج عليه، أو من خروجة، بس فيه ناس ثانية ربنا خلقها علشان تتبسط من الأكل، تعالوا فكروا معانا لو مافيش في جيبك غير عشرين جنيه وقررت أنك تتبسط إيه القرار اللي ممكن تأخذه؟

تتمشى من بيتك لحد وسط البلد وتقطع تذكرة سينما وتروح مشي؟.. ولا تشترى مكياج مضروب؟.. ولا تنزل لأقرب سوق وتشتري مكونات أكلة ما حصلتش وتروح البيت وتفتح قناة ست البيت وتتفرج على الشيف أحمد عويضة وهو بـ يوصف بالراحة إزاي تعمل فاهيتا اللي تقدري تعمليها من ربع فرخة مخلية وأقل من ربع كيلو طماطم على بصل وشوية فلفل ألوان ونقلبهم في الزيت وعليهم رشة توابل.. وبالهنا والشفا.

اختاري أحسن طبق عندك واستمتعى بأحلى أكلة.. واطلعي فاصل من الحياة.

ورجعنا لكم مرة ثانية ولسه مكملين مع الشيف أحمد عويضة، وعلشان نكمل كلام عن البرنامج لازم نقول أن مشكلة الشيف أنه مش إعلامي يعني مش متجاوب قوي مع الجمهور لكنه شيف شاطر.. واختيار المشاهد اللي بـ يصور فيها عالية قوي وده معناه أن فيه مخرج بجد وراء الموضوع.. وفي النهاية اعملي الأكل وأنت ونفسك.

عجبك ؟ جرب

"من مطبخ أسامة" على قناةcbc  سفرة.

نصيحة 360

برنامج "تكس مكس" تقديم الشيف أحمد عويضة على قناة ست البيت من إخراج محمود حمدى وكريم متياس يعرض كل جمعة وسبت الساعة 3 ظهرًا والإعادة الساعة 9 مساءً.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح