The Definitive Guide to Living in the Capital , Cairo , Egypt

تليفزيون
تيك توك

تيك توك: التكنولوجيا وسنينها على قناة القاهرة والناس

  • محمد الجندي
  • عائلي
  • من الآن
  • محمد ميديامحمد ميديا
تم التقييم بواسطة
Ahmed Abd El Gawad
قيم
قيم الآن
تيك توك: التكنولوجيا وسنينها على قناة القاهرة والناس

التكنولوجيا:

فيسبوك.. تويتر.. انستجرام.. يوتيوب.. جوجل.. تليفونات الجيل الرابع وما بعده.. المواقع الإلكترونية.. الصحافة الإلكترونية.. الثورات الإلكترونية.. السوشيال ميديا..

كل دي مصطلحات جديدة ما كانتش موجودة من 10 سنين مثلًا ولو كان مقدم برامج فكر يعمل برنامج عن التكنولوجيا كان لازم يفكر يعمل حاجة عن فكرة الكمبيوتر العبقرية اللى بـ تجاوب على أسئلتك وتحل المعضلات من المسائل الحسابية، أو ممكن كان يعمل برنامج عن الألعاب الإلكترونية وقدرتها على عمل حالة عجيبة وشد انتباه الأطفال.

 

مرحبًا:

مرحبًا بكم في الألفية الجديدة والجيل ما بعد الرابع وتكنولوجيا الاتصالات اللي بقيت دلوقت مصدر خير وشر في نفس الوقت وبقيت واحدة من أساسيات التقدم والرفاهية كمان، وبقى مستواك الإجتماعي –مش بس كده– لكن شهرتك كمان مربوطة بهم.. يعني لو حضرتك نجم ومشهور في مجال معين يبقى لازم نعرف الفيديو بتاعك بـ يعمل كام مشاهدة على اليوتيوب وعندك كام Follower على إنستجرام وتويتر وفيسبوك.. وساعتها نقدر نحكم على شهرتك.. وكمان شفنا حالات كثير اشتهرت في برامج عن طريق اليوتيوب وبعدها طلعت وعملت برامج في التليفزيون وأثرت في الملايين.. وحدث ولا حرج وعلى رأسهم الإعلامي باسم يوسف.

 

تيك توك:

تيك توك Tech Talk هو ده الاسم اللى اختاره د. محمد الجندي علشان يقدم لنا حلقات مختلفة عن التكنولوجيا وسنينها.. في الأول دار في ذهننا حاجتين: أنه هـ يبقى برنامج ممل.. وأنه هـ يخلص بسرعة ويكرر موضوعاته، أصله هـ يقول إيه عن التكنولوجيا؟

لكن اتضح لنا عكس كده.. د. محمد الجندي مش بس متخصص في التكنولوجيا وشاطر فيها لكن كمان مذيع جيد ومعاه فريق إعداد شاطر بـ يقدروا يختاروا موضوعات تشد الناس وفيه حاجات كثير تهمهم زي مثلًا طرق التجسس من خلال الإنترنت وإزاي تحمي نفسك منها، وإزاي كمان تحافظ على معلوماتك الشخصية، وإزاي تحمي نفسك من الهاكرز.. حاجة كده بـ تعلق بها الشباب وبـ يشوفوها دلوقت معلومات ضرورية زي معلومات الدراسة كده، ما هو علشان حضرتك تقدر تعيش في العالم الافتراضي يبقى لازم تعرف قواعده وتعرف تحمي نفسك من شروره، وكمان تستفيد من خيراته، ولو حضرتك عاوز تعمل كده وتتعلم كثير عن ده، من خلال برنامج إعداده جيد جدًا وطريقة عرضه مميزة وإخراجه بـ يحاول يعمل دمج ين التكنولوجيا والميديا حتى في التقارير المصورة.. يبقى لازم تتفرج على "تيك توك".

عجبك ؟ جرب

 ETبالعربى.

نصيحة 360

تيك توك برنامج تكنولوجي من تقديم د/ محمد الجندي، ومن إخراج محمد ميديا، يعرض على قناة القاهرة والناس، كل يوم أحد 6:30 مساءً، والإعادة الجمعة 1:30 مساءً.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح