The Definitive Guide to Living in the Capital , Cairo , Egypt

تليفزيون
حكومة نص الليل

حكومة نص الليل: ساخر فى السياسى على قناة cbc two

  • توك شوعائلي
  • من الآن
  • هشام فتحي
تم التقييم بواسطة
Ahmed Abd El Gawad
قيم
قيم الآن
حكومة نص الليل: ساخر فى السياسى على قناة cbc two

ساخر فى السياسى:

جريدة (1):

هو برنامج ساخر من تقديم أحمد العسيلى.. على قناة cbc two.

جريدة (2):

العسيلى يطل علينا من جديد ببرنامج سياسى يناقش فيه هموم الشباب.

جريدة (3):

الإعلامى أحمد العسيلى فى حكومة نص الليل يحلل الأوضاع المصرية من وجهة نظر جديدة.

جريدة (4):

فى محاولة جديدة من العسيلى للخروج من عباءة التكرار يحاول أن يطل علينا برؤية جديدة فى برنامج نص الليل.

جريدة( 5) :

العسيلى يقدم برنامج لا هو سياسى ولا ساخر.

 

دى كانت الأفكار اللى دارت حول البرنامج قبل ما يبدأ على قناة “cbc two” واللى فى النهاية طلع مزيج ما بين السياسة والسخرية.. العسيلى بـ يقدم برنامج جديد وفكرته جديدة زى ما إحنا متعودين عليه من ساعة ما قدم برنامج بـ يستضيف فيه الناس فى الشارع.

الشارع هو الهم العام للبرنامج وتعالوا نشوف وصفه:

حكومة نص الليل هى مش حكومة يعنى 36 وزير وما بـ تشتغلش بالنهار زى الحكومة اللى بجد، بـ تشتغل بالليل يعنى الليل وآخره.. يعنى زى ما الناس بـ تخلص شغلها وتفكر فى همومها بالليل.. الحكومة دى ناوية تفكر معاهم بالليل فى همومهم وتشوف إيه الحل.

ولو حكومة الصبح بـ تتحجج بالماضي فحكومة بالليل ما بـ تفكرش غير في المستقبل  والمستقبل هو أمل الأمة.. هو أمل الشباب.. اللى لازم كل الناس تشتغل عليهم.. وكل الناس لازم تفكر فيهم.. الشباب من أول الطفل اللى بـ يتولد فـ نوفر له عناية صحية وتربية جيدة.. لحد ما يخرج ويبقى قد سوق العمل ويشتغل صح.

 

الشغل فى البرنامج:

البرنامج متعوب فيه، الديكور غرفة كبيرة فيها ترابيزة ومعاه مجموعة شباب (ظهروا قبل كده فى إعلانات) بـ يمثلوا معاه وفيه تقارير خارجية.. معمولة بشكل جديد يعنى هو عاوز يقنعك بكل شكل.. رؤية المخرج اللى المفروض تبقى فى صالح البرنامج وفى صالح المجتمع مش ضده.. ماشية مع رؤية البرنامج فى كتابة الحوار واختيار المعلومات والموضوعات اللى بـ تقدمها لكل الناس.

 

البرنامج والناس والمخدرات:

يعنى إيه ناس.. يعنى جمهور بـ يشاهد الحلقة.. بـ يحاول العسيلى يجذبه بكل شكل.. لكن المشكلة الكبيرة فى الموضوعات اللى بـ يختارها.. فيها موضوعات ماشية مع المنطق العام للمجتمع وفيها موضوعات ثانية للأسف ضد قيم المجتمع.. زى حلقة المخدرات اللى مضمونها ممكن يقول لك بصراحة أن شعبنا فيه مدمنين محتاجين العناية فى طريق الإدمان وما ينفعش نحاكمهم.. وأن المخدرات أنواع يعنى (ما شاء الله) فيها اللى طبيعى وده عادى جدًا أنك تشربه.. وفيها (الصناعى) وده خطر على درجات.. يعنى لو حضرتك أيها الشاب عاوز تبرير للمخدرات ندعوك للفرجة على الحلقة دى.

 

التبرير:

مش محتاج تعرف أن الميديا بـ تؤثر على عقل المشاهد.. رأيك فى القضايا اللى المفروض محسومة لازم يكون لنفسك.. اوعى تبرر لنفسك الجريمة أو الخطأ لمجرد أنك تمتلك منبر إعلامى.. اوعى تبرر للشباب الغلط.. لمجرد اقتناعك بقضية.. فى عالم الميديا اقتناعك بقضية ضد المبادئ العامة للمجتمع والدين “حمادة” وترويجك لها “حمادة ثانى خالص”.. ودمتم.

عجبك ؟ جرب

"أنت حر" لمدحت العدل.

نصيحة 360

برنامج "حكومة نص الليل" تقديم أحمد العسيلى، ومن إخراج هشام فتحى، يعرض على قناة cbc two، من السبت إلى الثلاثاء الساعة 11:30 مساءً والإعادة من الأحد للخميس 1 صباحًا.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح