The Definitive Guide to Living in the Capital , Cairo , Egypt

تليفزيون
دوران شبرا

«دوران شبرا»: دراما كئيبة وعلاقات متشابكة

  • أحمد عزميأحمد عزمي...
  • دراما
  • من الآن
  • خالد الحجرخالد الحجر
تم التقييم بواسطة
Mohammed Nabil
قيم
قيم الآن
«دوران شبرا»: دراما كئيبة وعلاقات متشابكة

كلنا
طبعًا نعرف حى شبرا العريق، شبرا اللى بـ يتجمع فيها ناس من طبقات وأصول وثقافات
مختلفة، وزود على ده أديان مختلفة كمان زيه زى أى حتة في مصر مليانة مسلمين وأقباط
بـ يعيشوا في سلام وود وتآخى، ويمكن علشان كده اختار مؤلف العمل اسم «دوران شبرا»
لمسلسل بـ يتكلم معظم الوقت على الموضوع ده وبـ يأكد على الترابط والحب اللى بـ يجمع
قطبى الأمة.

بـ تدور
أحداث المسلسل في حي شبرا الشهير بالقاهرة بين مجموعة من الشخصيات اللي بـ تسكن
الحي ده، ومن خلال حياة الشخصيات بـ يبرز المسلسل مدي التسامح بين سكان شبرا من
مسلمين وأقباط في أعمار وأنماط مختلفة، بـ يتصارعوا أحيانًا ويتفقوا في أحيان ثانية،
ورغم الضغوط اللي تعرضوا لها لزعزعة العلاقة القوية اللى بينهم إلا أن الحب
والمودة بينهم هي اللي بـ تظل وتبقى.

المسلسل
اجتماعى صرف، وبـ يتكلم عن حياة أسرتين: واحدة مسيحية والثانية مسلمة، وبـ يأكد
المخرج من خلال الأحداث المتشابكة اللى بـ تحصل معاهم على موضوع الوحدة الوطنية وأننا
نسيج واحد بصورة فيها كثير من المبالغة وفي إصرار غريب أن الفكرة توصل للناس، وكأن
المشاهد لسه مش فاهم النقطة دي فبـ يحاول يكررها علشان توصل، زى لما يوسف دافع عن
جورج وأخذ الطعنة بدلاً منه وبعدها جورج وصله المستشفى ونقل له دم كمان.

المسلسل
كمان بـ يتناول قضية جحود الأبناء للأهل، لكن بصورة مافيهاش أى إبداع ولا تجديد عن
الحاجات اللى عُرضت في السينما والتليفزيون قبل كده، زى لما
قام سامى (هانى عادل) بـ بيع الشقة اللى بـ يسكن فيها مع والدته وأخواته وزوجته لـ
“حسن” سمسار العقارات بـ تحريض من مراته المتسلطة (نيرمين ماهر)، وعن
طريق التوكيل اللى كانت عاملاه له والدته (عفاف شعيب)،  واللى أول ما عرفت وقعت مشاجرة بينهم وما كان منها
إلا أنها سابت لهم البيت.

جو المسلسل
كئيب بشكل كبير وإن كان واقعى قوى، وأحداثه البطيئة بـ تخلى لو فاتتك منه حلقة أو
حلقتين مش هـ تخسر كثير، حورية فرغلى اللي قامت بدور “عزة” نجحت أنها
تقنع الناس بها في المسلسل برغم أنها بـ تجسد دور صعب ومركب، لكن هيثم أحمد زكي (ناصـر)
لسه محتاج شوية علشان يخرج من عباءة والده النجم الراحل أحمد زكى ويقدم شخصيات تضيف
لمستقبله الفني.

عجبك ؟ جرب

مسلسل "الشوارع الخلفية"

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح