The Definitive Guide to Living in the Capital , Cairo , Egypt

بعد غيابها عن التليفزيون المصري ظهرت على تليفزيون دبي
ببرنامج جديد “سوالفنا حلوة”.. هى المذيعة مريم أمين اللي بـ تظهر مع
مجموعة من المذيعين من مختلف دول العالم العربي، وده الجديد والمختلف عن أي برنامج
حواري ثاني لأن بـ يقدمه 7 من نجوم الإعلام في الوطن العربي على دائرة واحدة في
مناقشة كافة القضايا الاجتماعية والثقافية مع وجود ضيف من ألمع نجوم الفن في
العالم العربي وده بـ يكون في وجود عدد كبير من الجمهور في الستوديو.

من الجميل في البرنامج أن كل مذيع منهم بـ يقدم فقرة
حوارية حول موضوع معين، وممكن يتبادلوا الحوار معاه وده بـ يظهر تنوع في أداء كل
مذيع، فكل واحد منهم بـ يظهر طابع خاص به وده بـ يخلى البرنامج شكله مميز عن باقي
البرامج الثانية، وبعد كده فيه فقرة عن مسابقة بسيطة بين بعضهم في عرض بعض اللقطات
الفنية لمطرب أو فنان معين على مستوى العالم العربي، وكل مذيع يقول اسم العمل
الفني الخاص به في خلال 10 ثواني، وبعدها فيه فقرة عن مناقشة موضوعات اجتماعية من وجه
نظر كل بلد عربي طبقًا للعادات والتقاليد زي موضوع “السفر والهجرة لبلد ثانية”.

وهناك فقرة ثانية عن تقديم نصائح مختلفة للاستعمالات
اليومية من خلال أحد المذيعين وهو اللى بـ يقدم الفقرة دى وفي كل حلقة مذيع مختلف
زي مثلاً كيفية الحفاظ على الشنط والأحذية وكيفية نضج الطماطم بشكل جيد، وبعد كده
ينتقلوا للحوار مع الضيف الفنان عن أعماله الفنية والجوائز اللي حصل عليها وده بـ يكون
بالتناوب بين المذيعين.

وفي فقرة “مع، ضد” بـ يناقشوا فيها موضوع معين وأمام
كل مذيع كلمة مع أو ضد وكل واحد منهم بـ يعبروا عن رأيه تجاه الموضوع سواء كان إيجابي
أو سلبي، وفي نهاية كل حلقة بـ يكون فيه مسابقة بسيطة بين اثنين من المذيعين عبارة
عن تجميع 10 أغاني قديمة لأحد المطربين وده بـ يكون في خلال 10 ثواني.

رغم جمال البرنامج إلا أن الفواصل الإعلانية كثيرة جدًا،
وده بـ يشتت من انتباه الجمهور، كمان مافيش أى مشاركات من الجمهور سواء عن طريق
التليفون أو النت أو الرسائل الإلكترونية على الرغم من أنه برنامج على الهواء
مباشرة.