The Definitive Guide to Living in the Capital , Cairo , Egypt

تليفزيون
شارع شريف

شارع شريف: برنامج بديكورات “شارع” على قناة النهار

  • شريف مدكور
  • اجتماعى
  • من الآن
  • محمد الجوهري
تم التقييم بواسطة
Ahmed Abd El Gawad
قيم
قيم الآن
شارع شريف: برنامج بديكورات “شارع” على قناة النهار

مش كل واحد عنده قدرة على خطف الجمهور، ومش كل واحد عند قدرة على الاستمرار في النجاح في شكل واحد بيقدمه، لكن شريف مدكور عنده قدرة على التجديد المستمر، ودي العلامة الأولى لنجاحه.

بدأ من قنوات التلفزيون الأرضي، وماقالش في نفسه ماحدش بيتفرج عليا، وأديني بقدم برنامج وخلاص، كان مجتهد جدًا، ومع الوقت بدأت الناس تعرفه، وكان كل ما يشتهر شوية، والناس تتكلم عنه، يجتهد أكتر، لحد ما وصل لمرحلة من الشهرة، إن قنوات تانية بدأت تطلبه ييجي عندها، ودي العلامة التانية.

اختارته قناة النهار وعرضت عليه يقدم البرنامج عندها، وقتها كان الاختيار صعب، هل يروح لقناة النهار، ولا يكمل في قنوات التلفزيون الأرضي، الاختيار ساعات بيكون صعب على الإنسان، لكن العقل والحسابات في الميديا لازم تعلى عن العواطف، شريف حسبها صح، وعرف إنه لما يروح لقناة النهار هيبقى معروف أكتر، لإن قاعدة المشاهدين للقنوات الخاصة أكبر من قاعدة المشاهدين لقنوات التلفزيون الأرضي، فاختار الاختيار الصح، وراح النهار، ودي العلامة التالتة.

عن ديكور البرنامج

الديكور مش مجرد كنبة أو كرسيين أو ترابيزة شكلها حلو، الديكور هو الإطار الكبير اللي بيخلي المشاهد يبص للبرنامج ويحاول يشوفه بعين مختلفة، يعني لما قدم لك برنامج في مكان مفتوح، غير لما يقدمه في أستوديو، لما يكون جودة الصورة عالية، غير لما تكون جودتها ضعيفة، لما يكون الديكور شارع بالمعنى الحرفي للكلمة بكل بلكوناته وشبابيكه والقهوة، وباقي تفاصيل الشارع المصري، يبقى الموضوع مبهر فعلًا.

 

ولما الكاميرا تاخد كل لقطة من الشارع لوحدها، وتدمدجها مع كادر الشارع كله، يبقى إحنا قدام مصورين واعيين بطبيعة الديكور المختلفة، ولما المخرج يبقى بيجتهد وهو بينقل ما بين رودو أفعال الضيوف والفقرة اللي شغاله، يبقى الإخراج عامل شغله وزيادة.

البرنامج مكس ما بين فقرات كتير كلهم حاضرين في الأستوديو وبيتفرجوا على بعض، يعني فيه فرقة بتعمل حالة للحلقة، وفيه شيف، وفيه مدربين زومبا وأيروبكس، وفيه مصممين أزياء واكسسوارات، وفيه ناس عملت مبادرات وحاجات إيجابية في المجتمع، وشريف بيدير ما بين كل دول بحرفية، وقدرة على نقل الحوار ما بينهم كلهم.

مشكلة شريف

مشكلة شريف الأساسية في طريقة تقديمه الثابتة، يعني الإخراج والتصوير والديكور مساعدينه على خروج البرنامج بحالة هايلة، وهو بيطور ويجدد في ضيوفه باستمرار، وإدارته للحوار جيدة جدًا، لكن جات له انتقادات كتير من طريقة لبسه، اللي أحيانًا كانت غريبة عن المجتمع المصري، واللي علق عليها في واحدة من حلقاته، وقال إن فيه شركة معينة من رعاة البرنامج هي المسؤولة عن لبسه، وكمان جات له انتقادات من بعض التصرفات، زي مثلًا إنه جرب مستحضرات تجميل عبارة عن (مزيل شعر) في البرنامج، وطلع بعدها علق شريف وقال إنها (كريم صنفرة)، لكن في النهاية البرنامج لطيف ودمه خفيف.

 

عجبك ؟ جرب

بكرة أحلى على قناة النهار

نصيحة 360

برنامج شارع شريف تقديم، شريف مدكور على قناة النهار، من أخراج محمد الجوهري، من السبت إلى الخميس 3 مساءً

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح