The Definitive Guide to Living in the Capital , Cairo , Egypt

راكان مهندس شاطر درس في الهندسة الكهربائية بجامعة الشارقة، لكنه قرر يغير مجاله تمامًا ويروح لمنطقة تانية، ملهاش علاقة بالهندسة، قرر يتحول للميديا، علشان بيحب التمثيل، وبدأ بتقليد الشخصيات بشكل كوميدي واتعرف، واحترف فبقى راكان.

سابين ساسين، درست التسويق في الجامعة الأمريكية للعلوم والتكنولوجيا في لبنان، قبل ما تخطفها الشاشة، وتبقى مذيعة شاطرة، مبتعرفش الاستسلام، وشخصيتها حالمة، بس على الشاشة حاجة تانية خالص.

فاكرين برنامج نافذة على العالم زمان، لما كان بيجيب فيديو صغير لحاجات غريبة حول العالم ويعلق عليها، قد إيه كان حلو، وكان فيه ناس كتير بتتابعه وتتعرف على الدنيا ماكانش فيه نت ولا سوشيال ميديا، ولا سماوات مفتوحة، كان البرنامج ده نافذتك على العالم بالفعل.

برنامج معك خبر بيتناول جولة أسبوعية حول العالم، بشكل جدي وممتع، مش زي نافذة على العالم، لإن دلوقتي بقت التقنيات أكبر وأعلى، والحالة بقت مختلفة جدًا، علشان بيقدموا البرنامج بحالة من كسر الجمود، وطريقة تصوير جديدة ومونتاج جيد جدًا، والمخرج كمان عامل حالة حلوة في البرنامج إنه مخليه عبارة عن مجموعة قصص مسلية، مش مجرد حد بيتكلم وخلاص، أو برنامج جامد.

قال النقاد عنه: “يتفق مقدما البرنامج سابين ساسين وراكان يوسف على أنهما يخوضان تجربة جديدة، لم يعتد عليها المشاهد سابقاً، لكن صيغة البرنامج وخلطته تنسجم مع التوجه الذي اعتاده جمهور “MBC Action”، ويكسر الطابع الجدي والرصين للبرامج الإخبارية، كما يُعرّف المشاهد على الأخبار بأسلوب طريف وعبر قصص مسليّة.”

البرنامج بيتكلم عن عالم السوشيال ميديا والإعلام والأون لاين، والأخبار الطريفة، وكمان بيتكلم عن المواضيع المثيرة اللي فيها أكشن، وكل ده بيخليك عايز تعرف الأخبار الجديدة اللي بتتقدم بشكل جيد وجديد.