The Definitive Guide to Living in the Capital , Cairo , Egypt

لازم كلنا نبدأ من الصفر في التفكير في أي حاجة علشان نعرف نكمل تفكير صح، ولازم كلنا نفهم كل المواضيع علشان نعرف ننطلق، ومن الصفر ناس كتير بدأت واشتهرت وبقت حاجة، أما بقى برنامج من الصفر فبيقدم حاجة قريبة من كده وتعالوا نتفرج عليه سوا.

فكرة البرنامج هي فكرة مقدمه مفيد النويصر، الراجل اللي اشتغل في مؤسسات إعلامية لمدة 20 سنة، وعمل تدوينة بتحكي عن قصص الناجحين، والتدوينة دي انتشرت جدًا، واتشهر معاها مفيد، فقرر يحول الفكرة لبرنامج.

مقدمات نارية وجذابة في أول البرنامج، دي أول حاجة هتخليك تقعد تتفرج عليه، مع مقدمه النويصر، الراجل اللي عنده قدرة على الكلام والحوارات الشخصية غير عادية، بيقابل في كل حلقة شخصية سعودية ويتكلم معاها.

السؤال بقى اشمعنى سعودية، الإجابة هتعرفها من القناة اللي بيتقدم فيها البرنامج وهي mbc1، وعلشان كده ركزوا على شخصيات سعودية بس، يمكن ده يكون مأخذ على البرنامج لأنه لو كان بيعمل مقابلات مع شخصيات من العالم العربي أو من كل دول العالم كان هيبقى أحلى وأمتع، لكن ده فكر منتجي البرنامج ولازم نحترمه.

البرنامج بيديك في كل حلقة طاقة إيجابية لناس اشتغلت وتعبت لحد ما عملت حاجة جديدة ومميزة، بيقابل شخصيات مشهورة في مجالات مختلفة، بيقابل مسؤولين وقيادات في الشركات الكبيرة والهيئات الوطنية والشركات التجارية، وكمان بيقابل أكاديميين ناجحينوأطباء وظباط ورجال أعمال، يعني كوكتيل لطيف هاتحبه، كلهم بيتكلموا عن حياتهموكفاحهم والصعوبات اللي واجههتهم لحد ما بقوا ناس مختلفة.

الجديد في البرنامج مش بس زوايا التصوير المختلفة ولا الأماكن اللي بيتصور فيها، ولا المونتاج المعمول باحتراف، الجديد إن البرنامج كله مع تقديم مفيد، بيتكلم عن قصة نجاح شخص في قالب درامي وثائقي، وده بيخلي المشاهد قاعد ومركز ومش حاسس بالملل من اللي بيحصل، وفي آخر كل حلقة بيقوم الفنان وجدان الجهوري برسم الشخصية، الفكرة والإخراج حلوين جدًا والبرنامج مسلي وبيقدم معلومات وبيخليك تستفيد من قصص النجاح الكتيرة، من غير ما تحضر محاضرات تنمية بشرية ولا تشترى كتب بتدلك على الطريق إلى النجاح، ابقوا اتفرجوا عليه.