The Definitive Guide to Living in the Capital , Cairo , Egypt

صحة ولياقة
أوسانا فاميلي ويلنيس – Osana Family Wellness

أوسانا فاميلي ويلنيس: واحة الهدوء في قلب المعادي

تم التقييم بواسطة
Alicia Yassin
قيم
قيم الآن
أوسانا فاميلي ويلنيس: واحة الهدوء في قلب المعادي

في أي حتة في القاهرة وسكانها بيقدروا يمشوا الكلب ويركبوا عجل وحتى الاستمتاع بالقعدة خارج بيوتهم مالهوش مثيل. سكان المعادي عندهم خصائص مش عند حد ثاني: التمسك بمكانهم لأقصى درجة وعشق الليالي الهادئة وبيستغربوا جدًا من أي حد ساكن في مكان غير المعادي. الدقي دي فين؟ إيه لازمة الزمالك أصلًا؟ المعادي عندهم فعلًا أسلوب حياة.

ممكن أوسانا يكون دافع كويس للانتقال للمعادي. أوسانا موجود في فيلا كبيرة متفرعة من شارع النادي حواليها شجر بيضلل عليها ونجيلة، وغرف التدريب اللي فيها ماشية مع الأجواء المحيطة، فمثلًا Earth studio اللي فيه حصص اليوجا عبارة عن غرفة خشب بأرضية خشب وفي نصفها جذع شجرة. الفكرة إنهم بدل قطع الشجرة قرروا بناء الستوديو حواليها وده دليل على احترام أصحاب المكان وهم المصور المعروف ستيف دوبل وزوجته نينا سراج وسميه هولديك للبيئة والطبيعة واللي اشتغلوا في أماكن كثرة ومنها نان سنتر.

16730124_1900467316865298_7494978694737529335_n

أحلى حاجة بجد في المكان إنك تحس بالألفة على عكس ستوديوهات اليوجا والمنتجعات الصحية وقواعدهم المقيدة. أول لما تدخل موظفين الاستقبال بيرحبوا بك وبتدخل على كافيه صغير بيقدم أكلات نباتية ومشروبات سموزي طازة وصحية وأكل مناسب لأي حد بيحب الأكل الصحي. طبعًا من المنطقي إن أكلهم يكون صحي لإن ده مكان بيروج لتمارين اليوجا والتأمل والعلاج بالطاقة والطب الصيني وغيرهم من طرق الاستشفاء، وكمان طبيعي إن كل الناس حواليك إيجابيين وودودين، وتحس إنك في جو أسري مش مجرد زبون والسلام.

جدولهم بيبدأ الساعة 6:15 صباحًا مع تمارين بتعملها بنفسك – وفيها بتقعد تتأمل أو تمارس اليوجا مع ناس ثانية لو كنت محتاج لمكان لطيف وأجواء إيجابية مشجعة – ويخلص الساعة 6 مساءً، وكمان بيقدموا حصص لكل المراحل السنية من الأطفال للكبار. وبيقدم الحصص مدربين مصريين واجانب.

كاتبة المقال جربت حصة يوجا alignment hatha-vinyasa مع نيكول ودي بتكون مدتها ساعة وهدفها التركيز على عملية التنفس والاتزان. صحيح الموضوع مش سهل زي ما هتفتكروا – وأي مبتدأ هيعاني في الأول من تمارين الإطالة والحركة –لكن نيكول كانت بتعلمنا الحركات واهتمت بدقة تحركاتنا وإزاي نزود في الإطالات.

16508283_1894958980749465_4451879365523796992_n

لو ليك الطب البديل يبقى منيو أوسانا هتحقق لك كل أحلامك، خصوصًا إنها بتقدم أنواع مختلفة تبدأ بالصنفرة الذهبية للوجه (مدتها 60 دقيقة ومتاحة أيام الخميس بس) للجين شين جيتسو (مدتها 90 دقيقة متاحة أيام الأحد والثلاثاء والأربعاء) وهو عبارة عن فن شرقي قديم لتنظيم الطاقة داخل الجسم. في عندك كمان العلاج بتدليك القدم والعلاج بالطاقة اللي يشمل العلاج بالكريستال crystal healing أوالريكي  reikiوقائمة طويلة عريضة من أنواع المساج (تاي، هندي، الحجر الساخن وغيرهم) والكلام ده أكيد هيخليك تقضي يومك كله في أوسانا بدلًا من ساعة واحدة. مفيش حد يقدر يلومك طبعًا، الموضوع فعلًا مغري ومريح للأعصاب ويبعدك عن دوشة وزحمة وتراب شوارع القاهرة.

عندهم ميزة كمان وهي تنظيمهم لأنشطة اجتماعية زي سوق الثلاثاء واللي تقدر تشتري منه كوكيز بيتي وزيت جوز الهند وشنط جلد وأكلات أورجانيك وغيرهم. الميزة كمان في أوسانا هي تقديمهم لتدريبات وورش عمل جديدة ومتنوعة بصورة دورية ومنها تمارين poi والحجامة ومساج الأطفال.

أضف على كل اللي فات إنك تقدر تسترخي في الجنينة على الكراسي الخشب المريحة وتقرأ كتابك المفضل في ضوء الشمس وأطفالك بيلعبوا على النجيلة. السؤال دلوقتي: نمشي ليه؟

نصيحة 360

تابع أخر أخبار أوسانا على الفيسبوك.

أحسن حاجة

تنوع رهيب وسط أجواء مريحة للأعصاب.

أسوأ حاجة

لما تخرج بتشوف العالم بمنظور أسود.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح