The Definitive Guide to Living in the Capital , Cairo , Egypt

رنا شرف

الرياضة بتوفر لنا أسلوب حياة صحي، وأهالينا قالوا زمان إن الحركة بركة، وكتير من البنات في مصر فهموا كويس إن الجيم مش للرجال وبس، ده لكل إنسان عاوز يكون أفضل من حيث الشكل والصحة والقدرات العقلية والنفسية.

في السطور الجاية هنكلمكم عن مكان أمان، هنقدر نلعب فيه رياضة بحرية وخصوصية ومن غير خوف أو أي نوع من المضايقات.. تعالوا نعرفكم أكتر على تجربتنا مع جيم H2O.

جيم H2O له فروع كتير في القاهرة، بس حبينا فرع المنيل أكتر. أول ما هتدخل الجيم هتلاقي روح مبهجة وجميلة، والإدارة كلها بنات، وحتى المدربات من الجنس اللطيف.

ألوان الديكور كلها بينك، لون البنات المفضل، كمان فيه كيدز إيريا للأطفال علشان الأمهات يقدروا يسيبوا أولادهم هناك بأمان، كمان فيه كافيه صغير ممكن تشربوا فيه قهوة أو عصير أو تاكلوا بار بروتين.

أكتر حاجة عجبتنا في المكان هي احترام الخصوصية، وكل شخص بيكون له زي دولاب صغير لحفظ الملابس أو الأموال أو أي متعلقات شخصية.

الأجهزة الرياضية هناك كتير، وكمان فيه عندهم فصول زومبا ورقص ويوجا.

نظام الأشتراك بيكون 3 شهور و6 شهور وسنة، والأسعار معقولة إلى حد ما مقارنة بجودة المكان والخدمات اللي بيقدمها، وكتير بيكون فيه عندهم عروض، إحنا مثلًا اشتركنا من فترة في عرض البلاك فريداي وده كان بـ1850 جنيه، وحاليًا هتلاقوا عندهم عروض أحدث.

الجيم له فروع كتير وممكن بالعضوية تروحي أي فرع يعجبك، وعندهم كمان نظام الدعوات، بيكون لكي 3 مرات تجيبي فيهم صديقاتك الجيم مجانًا.

كمان عندهم دكتورة تغذية للي عايزة تعمل دايت مع الجيم، كمان فيه جهاز لقياس نسبة الدهون بالجسم.

الجيم جميل وأمان جدًا، وأكيد هنروحو تاني وتالت.

لزيارة الحساب الرسمي للجيم اضغطوا هنا، وهنا.