The Definitive Guide to Living in the Capital , Cairo , Egypt

رنا شرف

لو عروسة وبتجمعي جهازك، أو حتى بتحبي تجيبي حاجات جديدة للبيت، فمهم جدًا إنك تعرفي أفضل أماكن تشتري منها اللي ناقصك بأسعار حلوة وجودة مضمونة.

الأسعار دايمًا بتتغير، والأجهزة بتتطور يوم ورا يوم، وكلنا بنحب نختار الأفضل والأنسب لميزانيتنا. بدل ما تلفي كتير وتدوري، جهزنا لك في كايرو360 تجميعة لأماكن موثوقة تقدري تشتري منها كل مستلزماتك المنزلية بسهولة!

رنين
لو نفسك تلاقي كل حاجة للبيت في مكان واحد، رنين هو الحل! عندهم تشكيلة كبيرة من الأجهزة الكهربائية، مفروشات، سجاد، وأدوات مطبخ بكل الأشكال والأحجام. المميز عندهم كمان إن دايمًا فيه عروض وتخفيضات هتوفرلك كتير.

فروعهم كتيرة في القاهرة وخارجها، تقدري كمان تتسوقي أونلاين من موقعهم!

اعرفي عنهم أكثر من هنا.

سنتر شاهين

سنتر شاهين من الأماكن المعروفة جدًا، وبيوفر كل اللي ممكن تحتاجيه بأسعار مناسبة. هتلاقي عندهم مفروشات، أدوات مطبخ، شاشات تليفزيون، أجهزة كهربائية، وكمان حاجات تانية كتير.

فروعهم منتشرة في أماكن مختلفة، وعشان توصلي بسهولة، اعرفي عنهم أكثر من هنا.

التوحيد والنور

ده اسم مشهور وقديم ومش محتاج تعريف! عندهم أسعار مناسبة جدًا، وتشكيلة ضخمة من الأجهزة الكهربائية، أثاث البيت، مفروشات، أدوات مطبخ، ومراتب. كمان عندهم مستلزمات للأطفال، يعني هتلاقي كل حاجة في مكان واحد من غير لف ولا دوران!

اعرفي عنهم أكثر من هنا.

أيكيا

لو نفسك في حاجة ستايلها مختلف وجودتها عالية، أيكيا هو الاختيار الأمثل! عندهم كل مستلزمات البيت، من المفروشات للأثاث لأدوات المطبخ المميزة جدًا. صحيح أسعارهم شوية أغلى، لكن الجودة والشكل العصري يستاهلوا.

اعرفي عنهم أكثر من هنا.

سنتر شارع عبد العزيز

عايزة تجيبي أجهزة كهربائية بسعر كويس وجودة مضمونة؟ سنتر شارع عبد العزيز مكان هتلاقي فيه كل حاجة! من سخانات ومرواح، لأجهزة مطبخ زي الخلاطات والقلايات الهوائية، وغيرهم كتير. هتلاقي كل اللي محتاجاه بأسعار منافسة جدًا.

اعرفي عنهم أكثر من هنا.

وأخيرًا..

أهم حاجة تختاري اللي يناسبك ويناسب ميزانيتك، عشان تحسي إنك جاهزة وسعيدة بكل تفصيلة في بيتك. خليكي متابعة مع كايرو360 لكل جديد في الأسعار والعروض!