The Definitive Guide to Living in the Capital , Cairo , Egypt

العادة السرية مشكلة بيعاني منها كتير من الشباب من الجنسين، لكن المشكلة دي ليها حل عملي ومجرب.. في الموضوع ده هنقدم لكم روشتة لعلاج إدمان العادة السرية في 6 خطوات، وهي روشتة من مستشفى التعافي للطب النفسي وعلاج الإدمان.

واطمن، الموضوع مش هيحتاج منك غير اتباع خطوات معينة هتبعد من خلالها عن أي عوامل ممكن تحفزك على القيام بالعادة دي، من غير الحاجة للذهاب لطبيب أو إنك تعرف أي شخص بأمورك الشخصية، والخطوات دي بتشمل:

1. ابعد عن أى مناظر جنسية حتى لو بسيطة:

اتخلص تمامًا من جميع الأفلام الإباحية أو الصور الجنسية الموجودة علي جهازك، ونزل برامج لحجب المواقع الإباحية وماتنساش برضه تجنب الأفلام الأجنبية اللي بتحتوي على مشاهد جنسية بسيطة، لأن الأمر البسيط من وجهة نظرك ممكن يولد جواك أفكار ومشاعر جنسية وممكن يجرك لطريق الإدمان مرة تانية.

2. اشغل تفكيرك بشيء مفيد:

الفراغ هو عدوك الأول، وكل ما هتديه مساحة كبيرة من حياتك كل ما هيتولد جواك أفكار سلبية هتضرك، علشان كده لازم تقضي عليه تمامًا من خلال إشغال نفسك بهوايات وأنشطة مفيدة تمنعك من التفكير في العادة السرية وتشمل: ممارسة الرياضة، تربية حيوان أليف، اكتشاف هوايات جديدة، الاشترك في العمل التطوعي، القراءة.

3. بلاش تبقى لوحدك:

الوحدة هي المشجع الأول على ممارسة العادة السرية، علشان كده أنت في حاجة لتجنب الخلوة والبقاء بمفردك علشان ماتسيبش الأفكار دي تسيطر عليك، فخلي نفسك تحت رقابة مستمرة وانشغل أكثر في الأنشطة الاجتماعية، المهم تتواجد في تجمعات مستمرة سواء مع العائلة أو الأصدقاء، وبلاش تروح سريرك غير لو فعلًا محتاج تنام.

4. اتحلى بالصبر:

علاج إدمان العادة السرية بيحتاج للصبر، وبلاش تتوقع النجاح من أول مرة، ودي مش دعوة لليأس لكنها دعوة للواقعية وتقبل الأخطاء أثناء علاج إدمان العادة السرية، فالانتكاسة جزء من عملي العلاج وبتعتبر شيء طبيعي جدًا وكل اللي مطلوب منك أنك تتحلى بالصبر والإصرار لحد ما توصل لهدفك.

5. بلاش جلد الذات:

أنت مابتعاقبش نفسك، لكنك بتقومها، والتقويم بيبدأ بنسيان الماضي بكل أخطائه، وكل ما تقبلت نفسك بأخطأها واقتنعت بأننا بشر كل ما كنت أكثر قدرة علي بدء حياة نظيفة خالية من الإدمان.

6. كافيء نفسك:

اصنع نظام المكافأة واهدي نفسك كل فترة شيء بتحبه احتفالًا بباللي قدرت تحققه، مثلًا بتناول وجبة بتحبها أو بالخروج في مكان مفضل، وهتلاقي إن الاحتفال بيشكل عامل محفز هيشجعك على الاستمرار في طريق الشفاء، لكن احذر أن تكون العادة السرية هي مكافأتك!