The Definitive Guide to Living in the Capital , Cairo , Egypt

فن وثقافة
بيت الشعر العربي (بيت الست وسيلة)

بيت الشعر العربى: تذوق الشعر في بيت الست وسيلة

  • منطقة الأزهر- خلف مسجد الأزهر- عطفة العينى
تم التقييم بواسطة
Ahmed Abd El Gawad
قيم
قيم الآن
بيت الشعر العربى: تذوق الشعر في بيت الست وسيلة

تعرفوا أن البيوت زمان كانت بـ تتسمى
على أسماء أصحابها؟ أيوه.. زى دلوقتى كده لما تقول بيت الحاج فلان، زمان كان فيه
بيوت بأسماء الرجالة زى “بيت السحيمى” وبيوت بأسماء النساء زى البيت
اللى بـ نتكلم عنه النهاردة “بيت الست وسيلة”، لكن مين الست وسيلة وإيه
حكاية البيت؟ نقول لكم.

منزل الست وسيلة تم بناؤه سنة
1074 هـ/ 1664 م، ونسبته إلى الست وسيلة بـ ترجع لكونها آخر من اشتراه وسكن فيه. هى
وسيلة خاتون بنت عبد الله البيضا، كانت من النساء الغنية والمشهورة فى فترة حكم
الوالى العثمانى عمر باشا اللى تولى الحكم عام 1663 م، وتوفيت فى 4 مايو عام 1835
م.

لما تدخل البيت ممكن تتوه فيه،
وده بجد! فيه مجموعة كبيرة من المداخل والمخارج كلها بـ تؤدى على بعض، وله باب
رئيسى، وفيه الشبابيك بتاعة زمان اللى بـ نسميها “المشربية” وهى بجد
تحفة فى شكلها وتكوينها الزخرفى الجميل، وفيه كمان نافورة فى قلب البيت، تعتبر من
أجمل النافورات الإسلامية، أما الحمام الإسلامى القديم فهو واحد من تحف المعمار
الإسلامى بـ تشكيلاته وزخرفته.

وزارة الثقافة قررت تحوله لبيت
ثقافى وسموه “بيت الشعر العربى” يعنى كل اهتمامه يكون بالشعر، الفكرة
طبعًا جميلة ومهمة لأن اختصاص مكان بالشعر معناه نهضه بالحركة الشعرية فى مصر،
والمكان تم تعديله بشكل بسيط علشان يتحول مدخل البيت والقاعة الأولى فيه لمكان للندوات،
بشكل لا يؤثر على البيت وقيمته التراثية.

“بيت الشعر العربى”
مكان ثقافى قائم عليه الشاعر أحمد عبد المعطى حجازى، وله هيئة تنفيذية بـ تضم
مجموعة من الشعراء والمثقفين وهما اللى بـ يعملوا الجدول الشهرى للبيت وبـ ينظموا
الأمسيات والحفلات اللى بـ تتم فيه، والحقيقة البيت اهتم بعدد من الشعراء الكبار
اللى رحلوا عن عالمنا زى احتفالية الشاعر الكبير أمل دنقل، واحتفالية الشاعر
الكبير بيرم التونسى، وبجانب ده كانت فيه ندوات للشباب وأمسيات بـ تهتم بالثورات
العربية والشعر اللى كُتب فى الثورات العربية فى مصر واليمن والعراق، شوف لو بـ تحب
الشعر حاول تروح هناك يمكن تلاقى اللى يعجبك، ويمكن تلاقى الاختلاف فى المكان
نفسه.

نصيحة 360

ما تنساش تزور معاه بيت الهراوى أو بيت السحيمى اللي جنبه.

أحسن حاجة

اهتمامه الكبير بالشعر وفكرة التخصص فى شيء محدد.

أسوأ حاجة

مكانه مختفى شوية علشان موجود خلف الجامع الأزهر.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح