جاليرى كالا للفنون: إعطاء الفرصة لفن الهواة فى القاهرة
Yasmine Nazmy
مع زيادة أعداد الجاليرى فى منطقة الزمالك، قدرت المنطقة
تكون بشكل سريع بديل لمنطقة وسط البلد لعرض الفنون المرئية. «جاليرى كالا للفنون»
مكان واعد لمحبى الفنون وكمان الفنانين الهواة. اشترك فى تأسيس الجاليرى اثنين هما
ساندى عبد الجواد وشيرويت شاهين. هـ
تلاقيه فى شارع 26
يوليو، المكان من الداخل أنيق وفيه شباك زجاج كبير تقدر تشوف منه الحركة المستمرة
فى الشارع المشهور الموجود فى الزمالك.
المكان اللى على شكل حرف U فيه أعمال فنية متنوعة لفنانين
مشهورين وهواة. سافروا أماكن كثير و بـ يتكلموا بلباقة، ده كان إحساسنا لما أصحاب
المكان تكلموا عن كالا.
“بعد ما تخرّجنا من الجامعة الأمريكية فى القاهرة، اشتغلنا
فى شغل مالهوش دعوة بمجال الفن. وبعد سنتين، رجعنا لحلمنا ثانى أننا نعمل مكان
للفنانين الشباب الهواة علشان يعرضوا أعمالهم”. ده كان كلام ساندى عبد الجواد
مديرة وشريكة مؤسِسة فى الجاليرى. “اختارنا الزمالك مش بس علشان هى المحور
الرئيسى للفنون فى القاهرة، لكن كمان علشان سهل توصل لها، ودى حاجة مهمة أنك تكون
وسط المجتمع الفنى فى مصر”.
التنوع بـ يكون ميزة نادرة أنك تلاقيها وسط المشهد الفنى العام
شديد الخصوصية، وكالا بـ يطمح أنه يوصل لكده. الأعمال المعروضة فى الوقت اللى
روحنا فيه كانت أعمال فنانين شباب زى حسن حسن مع أسماء أكثر شهرة زى حسن عبد
الفتاح وأحمد نبيل، ده بـ الإضافة لفنانين ثانيين. كمان المعرض فيه قطع لفنانين
سكندريين زى هادى برعى وأحمد عبد الرحمن.
“معظم المعارض مش بـ توفر فرص لفنانين مغمورين أنهم
يعرضوا أعمالهم. إحنا عاوزين نغير ده. لما بـ نجيب فنانين لهم معجبين ونعرض
أعمالهم مع أعمال فنانين شباب، بـ يبقى فيه فرصة للناس أنها تشوف أعمال الفنانين
الشباب”. ده كان توضيح من شيرويت شاهين مديرة وشريكة مؤسِسة فى “كالا”.
رغم القلق والمشاكل الاقتصادية اللى حصلت بعد 25
يناير، ساندى وشيرويت قرروا يكملوا مشروعهم. من وقت الافتتاح فى مارس السنة دى نظموا
معرضين، لكن الموضوع ما كانش سهل. شيرويت بـ تقول: “الناس خايفة تدفع فلوس دلوقتى،
فيه قلق شديد”.
“رغم الصعوبات، لسه متفائلين بحالة الفن الحالية فى
مصر. فيه حرية تعبير دلوقتى أكثر بكثير من الأول”، الكلام على لسان شيرويت.
“ناس كثير عندها استعداد لتذوق الفن بعد ما ييجوا ويشوفوا أعمال الشباب
المغمور. كمان بقينا نشوف معارض فى أماكن مختلفة، وده أكيد تطور هائل”.
بعيدًا عن المعارض، “كالا” بـ يأمل أنه ينشر
فكرة تقدير الفن والثقافة الفنية فى مصر. جزء من ده هـ يتحقق عن طريق الجاليرى نفسه، وكمان من خلال ورش عمل
ومشاركة فى المعارض الدولية. “أملنا أن مصر تبقى جزء من سوق الفن العالمى.
وكجاليرى نحب أننا نشارك فى معارض فنية عالمية بفنانين مصريين معروفين وهواة”،
ده كان توضيح من ساندي. الثنائى ده بـ يأمل أن كالا مش بس يبقى مكان عادى للعروض
لكن كمان يوسع قاعدة المعرفة الفنية بطرق وتطبيقات متنوعة. وزي ما بـ تكمل ساندي: “الموضوع
مش بس لوحة أو رسمة، الفن أسلوب حياة”.
علشان تنجح أنك تأسس جاليرى محورى هدفه أنه يبقى وجهة
أساسية ومش هدفه بس أنه يعرض أعمال ويبيع لوحات، مؤسسي كالا هـ يبدأوا يوفروا تعليم للفنون عن طريق
سلسلة من ورش العمل للكبار والصغار.
أول
ورشة عمل فى السلسلة اسمها “فن
حول العالم” وهدفها أنها تعود الأطفال على أنماط وأذواق الفنون العالمية. ورشة عمل ثانية اسمها
“ستوديو الفن” ودى بـ تركز على مبادئ الرسم والألوان.
ساندي بـ تقول: “إحنا متأكدين أن الفن بـ يساعد على
بناء شخصية للأطفال”، بعد كده كملت كلامها وقالت: “إحنا مش عاوزين نستخدم
نفس القوالب الفنية المعتادة مع الأطفال، لكن عاوزين نعطي لهم مساحة علشان يضيفوا
أفكار” وده هـ يحصل بوجود محاضرين
سنهم مش كبير وعندهم نشاط علشان يناسبوا نوعية الورش دى ويقدروا يتواصلوا مع الأطفال بسهولة.
زى ما قالت شاهين، فيه ورش للكبار هـ تبدأ قريب بس مختلفة ومتخصصة
أكثر. ورشة عمل لتصميم المجوهرات، والمجال ده محبوب جدًا فى مصر رغم أنه مش متقدر
قوى غالبًا، هـ تبقى موجودة ومصممة علشان
تأكد على أن التعرض لأذواق مختلفة مهم مش بس أصالة التصميم.
مواعيد
الحصص بـ تبقى مرتبطة بوجود
معرض بـ يركز على أى حاجة مرتبطة بالتصميم، كمثال علشان يبدأ كورس تصميم مجوهرات،
لازم يكون فيه معرض تصميم مجوهرات شغال. شاهين كملت كلامها وقالت: “إحنا منتظرين
معرض يكون جوهري، بحيث التصميمات تكون بـ تركز أكثر على الأصالة مش بس الغرض منها
تحقيق مبيعات”.
خليك دائمًا متابع منتظم لأجندة كايرو 360
علشان تعرف أكثر عن ورش عمل كالا، وكمان علشان تعرف معلومات عن الجاليري هـ
تلاقيها فى صفحتهم على الفيسبوك.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
