The Definitive Guide to Living in the Capital , Cairo , Egypt

الفنانة “مروة عبدالمنعم” أكدت إنها هتقدم واحد من أضخم العروض المسرحية اللي مش هتقل في مستواها عن العالمية، بحسب تعبيرها، سواء من ناحية الديكور أو الأزياء أو الموسيقى أو القصة أو الإضاءة وحتى المؤثرات الخاصة، وهو عرض “Rapunzel” بالعربي اللي بيحكي القصة الكلاسيكية لرابونزيل.

العرض الجديد اللي هتقدمه “مروة” هيكون تاني تعاون ليها مع الفريق اللي اشتغلت معاه في عرض “أليس في بلاد العجائب” واللي حقق نجاح كبير جدًا الفترة اللي فاتت، تحت قيادة المخرج “محسن رزق”.

والمرة دي نفس الفريق بيقدم لنا عرض جديد أكبر، تحت اسم “رابونزيل بالعربي”  الحكاية الخيالية الكلاسيكية، بكل شخصياتها وأحداثها، هتقدمها الفنانة “مروة عبدالمنعم” وفريقها بتناول جديد و مختلف وفقًا لمعاير الانتاج المسرحي العالمية، واللي أكيد مش هتقل في مستواها عن اللي قبلها.

قصة الأميرة “رابونزيل” اللي بتطارد أحلامها، وتهرب من السجن علشان تقابل فتى أحلامها “فلين رايدر” والحصان “ماكسيموس” ، كل الشخصيات ​د​ي هنعيش معاها على المسرح لمدة 90  دقيقة رائعة من الموسيقى، والأحداث الشيقة والمؤثرات الخاصة.

هنستكشف مع بعض العالم السحري للأميرة “رابونزيل” على مسرح “المنارة” في الفترة من 31 يناير لـ 2 فبراير 2019.

في مركز المناره الدولي للمؤتمرات.

أيام و مواعيد العروض:

• الخميس 31 يناير 2019 الساعة 01:00 ظهراً

• الخميس 31 يناير 2019 الساعة 04:00 عصراً

• الخميس 31 يناير 2019 الساعة 07:00 مساءً

• الجمعه 1 فبراير 2019 الساعة 01:00 ظهراً

• الجمعه 1 فبراير 2019 الساعة 04:00 عصراً

• الجمعه 1 فبراير 2019 الساعة 07:00 مساءً

• السبت 2 فبراير 2019 الساعة 01:00 ظهرًا

• السبت 2 فبراير 2019 الساعة 04:00 عصرًا

• السبت 2 فبراير 2019 الساعة 07:00 مساءً 

   

أسعار التذاكر:

*  بلاتنيوم : 400 جنيه.

جولد : 300 جنيه.

سيلفر: 200 جنيه.

برونز : 100 جنيه.

حجز التذاكر  من هنا.

علشان تعرف أقرب منفذ بيع تذاكر ليك، أدخل هنا.

للاستعلامات أو الأستفسارات أو الحجز عن طريق التليفون،اتصل على 16826.