لو فاتكم معرض الكتاب.. مهرجان سور الأزبكية للكتاب في انتظاركم
العتبة سور الأزبكية كتب رخيصة مهرجان سور الأزبكية
Cairo 360
الصور من صفحة سور الأزبكية على الفيسبوك
ناس كتير زعلانة إن مهرجان القاهرة الدولي للكتاب في دورته الـ 51 انتهى بسرعة شديدة، والبعض مننا كان عنده ظروف منعته من زيارة المعرض السنة دي، وبعض الناس اشتكت من إن مكانه كان بعيد بالنسبة لهم، بسبب تواجده في القاهرة الجديدة.
على العموم، لو فاتكم معرض الكتاب تقدروا تزور حاليًا مهرجان الأزبكية الثالث للكتاب واللي انطلق رسميًا يوم 15 يناير اللي فات، وهيفضل مستمر لحد يوم 15 فبراير الجاري.
وبحسب الصفحة الرسمية لسور الأزبكية على موقع الفيسبوك، بيقدم مهرجان الكتاب خصومات بتتراوح ما بين 70 و80% على أسعار جميع الكتب المعروضة عند أكثر من 133 مكتبة، وهو عدد المكتبات المتواجدة في سور الأزبكية.
وبتتنوع الأعمال المعروضة بين الكتب النادرة القديمة، والقصص والمجلات والوثائق والدراسات العلمية المستعملة، بجانب توافر طبعات شعبية لعدد من الكتب المترجمة الحديثة، ده غير وجود كنوز ثقافية نادرة.
الوصول للمهرجان سهل جدًا، هتركبوا المترو من أي محطة وتنزلوا محطة مترو العتبة، هتخرجوا من المحطة هتلاقوا نفسكم في سور الأزبكية.
ممكن كمان تركبوا أي أتوبيس أو ميكروباص رايح العتبة وتسألوا هناك عن سور الأزبكية.
مقترح
فن وثقافة
في الويك إند.. دليلك للسفر في رحلة بصرية مبهرة مع توت عنخ آمون
الجيزة المتحف المصري الكبير +5
معالم وسياحة
