The Definitive Guide to Living in the Capital , Cairo , Egypt

كافيهات
فلامنكو كافيه – Flamenco Café

فلامنكو: محل مخبوزات وحلويات عليه علامات استفهام في الزمالك

تم التقييم بواسطة
Angie El Batrawy
تقييمك
قيم الآن
فلامنكو: محل مخبوزات وحلويات عليه علامات استفهام في الزمالك

منطقة الزمالك ما بـ تخلاش من
أماكن الأكل والخروج وكمان أماكن بـ تتميز بمخبوزاتها وحلوياتها ممكن تروحها تجيب
منها إفطار كويس زي “تي بي إس – TBS” و”بريد باسكيت – Bread Basket” و”سيموندس Simonds – ” وكمان
“فلامنكو – Flamenco” اللى ملحق وتابع لفندق جولدن تيوليب
فلامنكو القاهرة وموجود على الناصية المواجهة لبيتزا هت فى شارع أبو الفدا.

مدخل المكان من على الشارع مش
داخل الفندق، هـ تلاقى على اليمين شخصين واحد بـ يخدم عليك والثاني عند الكاشير
علشان الحساب، الأول كان لطيف وجاوبنا على استفساراتنا لكن لما لقانا بـ نسأل كثير
ابتسم لنا ابتسامة صفراء وإحنا ماشيين، نفسه مش طويل شوية، فيه ثلاجة عرض بزجاج
بطول الحائط وفى الخلفية على الحائط أرفف كثيرة عليها أنواع مختلفة من العيش
الباجيت والبانيني والتوست ومنها السادة ومنها اللى عليه سمسم أو حبة البركة..
إلخ، لما بصينا على المخبوزات لقينا مافيش غير كرواسون سادة ونوع ثاني بالجبنة الشيدر
(6.36 جنيه)، اللى كان أمامنا ما كانش اللى متعودين نأخذه من هناك ده غير أن شكله
مش طازج ومش جذاب للأكل، وبالصدفة فى الآخر وإحنا بـ نحاسب عيننا وقعت على رفوف
العيش لقينا نوع كرواسون ثاني شكله أحلى ولما سألنا قال لنا أنه برضه بالشيدر،
استغربنا هما ليه حاطينه هناك! حسينا أنهم كانوا عاوزين يخلصوا من اللى فى العرض
الأول.. الله أعلم!

عجبنا كمان شكل دانش بالقرفة والزبيب
(5.45 جنيه)، لونه كان محمر ولفائف القرفة مع السكر اللى فوقها كانت حلوة، الطعم فريش
وما كانش فيها مشاكل زي بالضبط كرواسون الشيدر بس للأمانة فيه أماكن ثانية بـ
تعمله أفضل من كده ويستحق المبلغ ده.

فيه حاجات هناك ممكن تشتريها
بالكيلو زي الساليزون والبيتي فور، مكتوب فى المنيو اللى أخذناها من هناك أن الـ
100 جرام بـ 7 جنيه فى حين أنه حاسب لنا الـ 50 جرام اللى أخذناها بـ 9.54 جنيه،
وكمان إحنا مش عارفين ليه (بعد ما مشينا وبصينا فى الشيك) أعطانا 50 جرام وإحنا
كنا طالبين 1/8 كيلو يعني 125 جرام!! هو ليه كل حاجة ضدنا؟ نفس الشيء فى البيتي
فور المشكل (50 جم بـ 12.93 جنيه). بس عامة جودة البيتي فور جامدة والصنعة متمكنين
منها، السكر مضبوط، القوام ناعم والتشكيلو متنوعة منها بالشوكولاتة الغامقة
والبيضاء والكريسبي، الساليزون نفس الشيء هش وطازج ومنه أنواع بالزيتون وبالجبنة
وبالسمسم وغيرها.

المنيو موجود فيها كمان مشروبات
وأصناف ما شوفناهاش فى المكان، العجيب بقى أن كمان لما سألناه عندك مشروبات إيه
قال مافيش! رغم أننا رحنا المكان من كام شهر وجربنا عنده مشروبات وكتبنا عنها مقال نقدي،
وكمان فى المنيو ساندويتشات فى حين أننا ما شفناهاش معروضة خالص، اللى معروض فى
المكان مالوش علاقة بالمحل وحسنا أن المنيو دي بتاعة الفندق بس فى فرعه الثاني
اللى موجود فى فلامنكو بيتش أند ريزورت في مرسى علم، في التيك أواى مافيش خدمة وبـ
يضاف ضريبة 10%.

المكان مساحته صغيرة ومش جذاب أنك
تقعد فيه لأنه كام ترابيزة مع كام كرسي، وأصلاً المواقف اللى حصلت لنا قفلتنا أننا
نيجي المكان ده ثاني.. بس ياترى هل هـ يفضل المكان ده دائمًا مليان علامات
استفهام؟

نصيحة 360

فلامنكو ما عندهمش خدمة توصيل "حاليًا" بشكل مؤقت علشان ما عندهمش عمالة كافية.

أحسن حاجة

المخبوزات فريش رغم أنها ممكن تكون دسمة شوية.

أسوأ حاجة

الغموض.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح