The Definitive Guide to Living in the Capital , Cairo , Egypt

كافيهات
لابوار – La Poire

لابوار: حلويات رمضان بنكهة غربية

  • داخل ريحانا مول - شارع زهراء المعادي
  • مخبوزات وحلويات
تم التقييم بواسطة
Nagla Ashraf
قيم
قيم الآن
لابوار: حلويات رمضان بنكهة غربية

الحلويات في رمضان بيكون لها طعم مختلف عن باقي السنة ما بين الكنافة والبسبوسة واختراعات البسبوسة بالريد فلفت والكنافة بالمانجو وأنواع الفاكهة المختلفة واللي أعطت نكهة غربية على الحلويات الشرقية، وبدأت من كم سنة وبقى فيه تنافس ما بين محلات الحلويات الكتير على أنواع الكنافة الجديدة وجودتها وأسعارها.

ولابوار السنة دي قدم لنا أكتر من حاجة جديدة عن السنة اللي فاتت زي أم علي بالتوت (200 جنيه) والكنافة بالكراميل المالح سولتد كراميل (200 جنيه)، والكنافة بالراسبيري (200 جنيه)، وطبعًا كوبايات الكنافة الصغيرة بأنواع الفاكهة المختلفة سواء مانجة أو توت أو شوكولاتة الواحدة بحوالي 28 جنيه.

 

 

وما بين أصناف السنة اللي فاتت زي العثمانلية وتورتة الكنافة بالمانجو (280 جنيه) والجديد شوية الرواني بالمانجو والراواني بالبلح والكراميل والمكسرات، حبينا نختار نوع مختلف شوية من تورتة الكنافة بالمانجو العادية وهي  طبق كنافة بالمانجو كانت في طبق بايركس فيها طبقتين مانجو من تحت وفوق (280 جنيه)  وكان زيها نفس الشكل والحجم بس البلح والكراميل.

 

 

الطبق كان حجمه متوسط يكفي 10 أشخاص تقريبًا، وكمية المانجو كانت كبيرة بس للأسف ماكنش موجود قطع مانجو كتير في الطبقة الثانية مجرد الكريمة الممزوجة بالمانجو وقطع المانجو نفسها ماكنتش طازة قوي، كنا نتمنى جودة أعلى من كده من مكان زي لابوار.

برضه لابوار ما يخلاش من الحلويات الشرقية، واللي بتتباع بالكيلو أو بالعلبة، وفيه منها كنافة بالنوتيلا، أو بالمانجو.

لو عاوزين تعرفوا معلومات اكتر عن اللي بيقدموا لابوار السنة دي تابعوا صفحتهم على الفيسبوك هنا.

 

 

نصيحة 360

جربوا الأنواع الجديدة

أحسن حاجة

تنوع الأصناف

أسوأ حاجة

بعض المنتجات مش طازة

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح