The Definitive Guide to Living in the Capital , Cairo , Egypt

كتب
ببساطة

ببساطة: كتاب بيشرح الدين ببساطة

  • محمد أيوب
  • دين وروحانيات
  • من الآن
  • عربي عربي
  • 20 EGP
  • مكتبات القاهرة
تم التقييم بواسطة
Rasha Zeidan
قيم
قيم الآن
ببساطة: كتاب بيشرح الدين ببساطة

الكاتب محمد أيوب مش مجرد داعية بيتكلم في الدين، هو قصة تانية، هو مدير موارد بشرية في واحدة من الشركات، وهو مش بيقول على نفسه داعية، هو أقرب لمفكر اجتماعي، بيجيب أفكار من كل حتة في الدنيا، ويدمجها مع الدين بطريقة لطيفة وخفيفة وووو وبسيطة، وده المهم.

أيوب قرر يعمل كتاب يجمع فيه أفكاره ويسميه ببساطة، الاسم حلو، و#ببساطة هاشتاج أصلًا هو عامله على صفحته، لإنه ببساطة شايف إن الدنيا كلكعت شوية، ورجع الإسلام غريبًا زي ما بدأ، زي ما قال الرسول صلى الله عليه وسلم.

الدين بقى صعب تطبيقه، والموازين اتلخبطت خالص، الحلال بقى حرام، والحرام بقى حلال وسهل، والكل تايه في الطريق إلا اللي بيرحمه ربنا.

15555859_10210723637305574_2088578481_n

ببساطة كتاب بيشرح الدين ببساطة، بيعلق على قضايا وأحداث بنعيشها، وبيقدم حلول ليها وبيحاول يقول للناس إزاي يعيشوا ويتكلموا ويفكروا وياخدوا الدنيا ومشاكلها ببساطة.

الفكرة الجديدة في الكتاب إنه مش مجرد كلام مرصوص ورا بعضه، هو بيقدم كل فكرة بصورة معبرة ومختلفة وبيعلق عليها بكلام قليل لكنه في الصميم، والكتاب متقسم لخمس أقسام.

القسم الأول بيتكلم فيه عن أخطاء شائعة بتعدي علينا كلنا، زي الاستهلاك والإسراف والغضب وغيره، والقسم التاني بعنوان “اصنع حياتك” وفيه نماذج لشخصيات كتير صنعت حياتها وعملت للبشرية، وكمان بيتكلم عن الهمة العالية واهميتها.

القسم التالت متخصص في التربية ودى من أهم الحاجات اللي لازم نخلي بالنا منها، علشان نطلع جيل صالح وفاهم وواعي، أما القسم الرابع فهو عن السيرة النبوية، وفيه مشاهد من السيرة بشكل جديد مربوطة بالواقع جدًا، وآخر حاجة بعنوان مهمة اليوم، ينفع تكتبها وتحطها في أجندتك وتعمل كل يوم مهمة محددة، إنك تسعد اللي حواليك والعلاج بالضحك، وتعرف أدب المجلس وتسقي وتطعم حيوانات وغيرها كتير.

الكتاب حلو وخفيف وبيقدم الدين بطريقة سهلة وعصرية، مرتبطة بالواقع تخليك مبسوط وأنت بتقراه.

عجبك ؟ جرب

مثنوي لجلال الدين الرومي

عن الكاتب

محمد أيوب مدير موارد بشرية في إحدى الشركات، داعية مصري يعيش بدولة الإمارات، أقام العديد من الندوات واللقاءات الفكرية، يمزج بين الدين والمهارات الحياتية والواقع، صدر له كتابه الأول ببساطة عن دار نشر عابر.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح